اسلام آباد(ویب ڈیسک) اوگرا کی جانب سے پٹرولیم مصنوعات کی قیمتوں میں اضافے کی سمری وزارتِ خزانہ کو ارسال کر دی گئی ہے۔آئل اینڈ گیس ریگولیٹری اتھارٹی (اوگرا) کی جانب سے وزارتِ خزانہ کو بھجوائی گئی سمری میں پٹرولیم مصنوعات کی قیمتوں میں 6 روپے 94 پیسے اضافے کی سفارش کی گئی ہے۔وزارت خزانہ کو بھیجی گئی سمری میں پٹرول کی قیمت میں 3 روپے 56 پیسے فی لیٹر، ہائی سپیڈ ڈیزل 6 روپے 94 پیسے فی لیٹر، مٹی کے تیل کی قیمت میں 6 روپے 28 پیسے فی لیٹر اور لائٹ سپیڈ ڈیزل کی قیمت میں ایک روپے فی لیٹر اضافے کی سفارش کی گئی ہے۔ وزیرِ اعظم کی منظوری کے بعد قیمتوں میں اضافہ کیا جائے گا۔حکومت ایسا کیوں کر رہی ہے ؟اس کی بڑی وجہ روپے کی قدر میں کمی ہے،دوسری وجہ بجٹ ہے ،حکومت سات سو ارب کے لگ بھگ ٹیکس پٹرول اور ڈیزل کے ذریعے وصول کرتی ہے ،چونکہ ایف بی آر براہ راست ٹیکس وصول نہیں کر سکتا ،اس لیے کئی ٹیکس پٹرول مصنوعات پر رکھے ہیں ،پچھلے پانچ سالوں میں ہماری برآمدات 25ارب ڈالر معاشی تاریخ میں بھی ایسا نہیں ہوا کہ برآمدات مسلسل پانچ سال کرتی رہیں ۔
