کھڈیاں خاص(خصوصی رپورٹ) صادق میموریل ہائی سکول کھڈیاں خاص قصور جماعت دہم کے تیرہ سالہ طالب علم ارباز محمودنے قوانین فزکس کی رو سے کائنات کے آغاز کی بابت سائنسی مقالہ لکھا جس کو امریکی جریدئے نے اپنے شمارہ نمبر بارہ والیم نمبر آٹھ، دسمبر 2017 میں شائع کیا جریدئے نے سائنسی مقالہ لکھنے والے طالب علم کو مقالہ کی اشاعت پر تصدیقی سرٹیفکیٹ بھی جاری کر دیا،بتایا جاتا ہے کہ تیرہ سالہ ارباز محمود ،کم ترین عمر میں امریکی جریدئے میں سائنسی مقالہ لکھنے والا طالب علم ہے جو کہ اس وقت صادق میموریل ہائی سکول میں جماعت دہم سائنس گروپ میں زیر تعلیم ہے۔امریکی جریدئے کی ویب سائٹijser.orgکے صفحہ تین کے علاوہ انٹرنیشنل ڈائریکٹری کراس ریف(crossref.org)پر بھی اس سائنسی مقالے کو پڑھا جا سکتا ہے۔
