اسلام آباد: ایف بی آر نے ٹیکس وصولیوں کے اعداد وشمار جاری کردیئے، گزشتہ مالی سال کے مقابلے میں ٹیکس محاصل میں تین سو ارب روپے کا اضافہ ہوا۔ایف بی آر کے مطابق مالی سال کے پہلے سات ماہ میں دو ہزارارب روپے ٹیکس جمع ہوا، گزشتہ سال اسی مدت میں سولہ سو نناوے ارب روپے ٹیکس جمع ہوا تھا، جنوری دوہزار اٹھارہ میں دوسوبہتر ارب روپے ٹیکس جمع ہوا۔جنوری دوہزار سترہ میں دوسو اٹھائیس ارب روپے کی وصولی ہوئی تھی جبکہ دوہزار تیرہ میں پورے سال کی ٹیکس وصولی ایک ہزار نوسو پچاس ارب روپے کے لگ بھگ تھی، حکام کے مطابق چارسال میں ٹیکس وصولیوں میں نمایاں اضافہ ہوا ہے۔