میلبورن(آئی این پی) یوتھ ون ڈے انٹرنیشنل سیریزمیں پاکستان انڈر 19 کر کٹ ٹیم نے تیسرے اور آخری ون ڈے میچ میں آسٹریلیا انڈر 19کو49رنز سے شکست دے کر سیریز 2-0 سے جیت لی۔ گرین شرٹس نے 7وکٹوں کے نقصان پر309رنز کا مجموعہ ترتیب دیا، محمد زید عالم نے 128رنز کی دلکش اننگز کھیلی۔ آسٹریلیا یوتھ ہدف کے تعاقب میں مقررہ اوورز میں9وکٹوں کے نقصان پر260رنز بنا سکی، رائن ہیکنی کی سنچری بھی ٹیم کو شکست سے نہ بچا سکی۔سلیمان شفاقت نے 3 کھلاڑیوں کو آﺅٹ کیا۔ محمد زید عالم کو مین آف دی میچ کا ایوارڈ دیا دیا گیا۔ تفصیلات کے مطابق اتوار کو میلبورن کے البرٹ کرکٹ گراﺅنڈ میں کھیلے گئے تیسرے اور آخری ون ڈے میچ میں پاکستان انڈر 19 نے پہلے بیٹنگ کرتے ہوئے مقررہ 50اوورز میں 7وکٹوں کے نقصان پر 309رنز بنائے۔ اوپنر محمد زید عالم نے شاندار بیٹنگ کا مظاہرہ کیا اور 128 رنز بنائے جس میں چار چھکے بھی شامل تھے۔علی زریاب آصف 56 رنز کے ساتھ دوسرے نمایاں بلے باز رہے۔ نیل سمتھ اور ڈیوس نے دو، دو وکٹیں حاصل کیں۔ آسٹریلیا انڈر 19 مطلوبہ ہدف حاصل نہ کرسکی اور اس نے مقررہ 50 اوورز میں 9 وکٹوں کے نقصان پر 260 رنز بنائے۔ رائن ہیکنی نے 109 رنز بنائے تاہم وہ اپنی ٹیم کو شکست سے نہ بچا سکے۔ کیمرون گرین 47 رنز کے ساتھ دوسرے نمایاں بیٹسمین رہے۔ سلیمان شفاقت نے تین اور شاہین شاہ آفریدی نے دو وکٹیں حاصل کیں۔
Monthly Archives: January 2018
ڈومیسٹک کرکٹ میںکوئی پلان نظرنہیں آرہا،وسیم
لاہور(نیوزایجنسیاں)وسیم اکرم کو ڈومیسٹک کرکٹ میں منصوبہ بندی کے فقدان پر تشویش، سابق کپتان کہتے ہیں صرف ایک ہفتہ پہلے ٹورنامنٹ کا اعلان کر دیا جاتا ہے، عمراکمل میڈیاپرتوجہ دینے کی بجائے اپنی بیٹنگ کوٹھیک کریں۔مصباح اور یونس خان کے بعد پاکستان ٹیسٹ میں اوسط درجے کی ٹیم بن چکی ہے۔ایک انٹرویو میں وسیم اکرم کا کہنا تھا کہ ماضی کے برعکس ڈومیسٹک کرکٹ میں اب منصوبہ بندی دکھائی نہیں دیتی، جس طرح ایک شاعر کو شعر کی آمد ہوتی ہے، ہمارے کرکٹ آرگنائزرز کو بھی اچانک ٹورنامنٹ کی آمد ہوتی ہے، یہ سلسلہ بند ہونا چاہئے۔وسیم اکرم نے ٹیسٹ ٹیم کی کارکردگی پر تشویش کا اظہار کرتے ہوئے کہا کہ مصباح اور یونس خان کے بعد پاکستان اوسط درجے کی ٹیم بن چکی ہے۔سابق کپتان کا کہنا تھا کہ ایشیز کا پاک بھارت سیریز سے کوئی موازنہ نہیں، ایشیز کو چار سے پانچ ملین لوگ دیکھتے ہیں لیکن پاک بھارت میچ دیکھنے کے لئے ایک ارب انسان بے تاب ہو جاتے ہیں۔وسیم اکرم نے عمر اکمل کو میڈیا کی بجائے صرف بیٹنگ پر توجہ دینے کا مشورہ بھی دیا۔
گرین شرٹس نے مشقوں کا آغاز کر دیا
نیلسن(آئی این پی)پاکستانی ٹیم نیوزی لینڈ کے خلاف پانچ ایک روزہ میچزکی سیریز کے پہلے میچ میں 6جنوری کو ایکشن میں دکھائی دے گی ۔تفصیلات کے مطابق پاکستانی ٹیم نیوزی لینڈ کے خلاف ایک روزہ سیریزکی تیاریوں کیلئے باقاعدہ پریکٹس کا آغاز کر دیا ہی، ابتدائی مرحلے میں پلیئرز کو مخصوص جسمانی وزرشیں کروانے کے بعد فیلڈنگ، بیٹنگ اور بولنگ کی پریکٹس بھی کرائی جارہی ہے ، قومی ٹیم دورے کی شروعات منگل کی شب شیڈول ون ڈے پریکٹس میچ سے کریگی، جس میں ان کا سامنا نیوزی لینڈ الیون سے ہوگا، یہ مقابلہ نیلسن کے سیکسٹون اوول گرانڈ پر شیڈول کیاگیا ہے ۔سیریز کی تیاریوں سے قبل پاکستان کرکٹ ٹیم نے گزشتہ روزنیلسن شہر کے تاریخی مقامات کا دورہ کیا اور ٹیم بلڈنگ واک میں بھی حصہ لیا،ہیڈ کوچ مکی آرتھر سمیت تمام دوسرے کوچزبھی ہمراہ تھے، اس موقع پر کپتان سرفراز احمد، شعیب ملک، محمد حفیظ سمیت تمام کھلاڑی خوش دکھائی دئیے اور انھوں نے تاریخی مقامات کی جی بھر کے سیرکرنے کے ساتھ تصاویر بھی بنائیں۔ جس کے بعد دونوں ممالک میں شیڈول پانچ ون ڈے انٹرنیشنل میچز پر مشتمل سیریز کا افتتاحی ٹاکرا 6 جنوری کو ویلنگٹن کے بیسن ریزرو گرانڈ پر ہوگا۔9 جنوری کو شیڈول دوسرے ایک روزہ میچ کی میزبانی نیلسن کریگا، تیسرے مقابلے کیلئے دونوں ٹیمیں ڈونیڈن میں جمع ہونگی، جہاں 13 جنوری کو یونیورسٹی اوول پر ٹاکرا ہوگا، چوتھا ون ڈے انٹرنیشنل ہیملٹن کے سیڈون پارک پر شیڈول کیاگیا ہے، پانچویں اور اختتامی میچ کیلئے دونوں ٹیمیں 19 جنوری کو ایک بار پھر ویلنگٹن میں مدمقابل آئیں گی۔a
نیوزی لینڈ اور ویسٹ انڈیز میں دوسرا ٹی ٹوئنٹی آج
ویلنگٹن(آئی این پی) نیوزی لینڈ اور ویسٹ انڈیز کی کرکٹ ٹیموں کے درمیان دوسرا ٹی ٹونٹی انٹرنیشنل میچ آج کھیلا جائےگا ، شیڈول کے مطابق دونوں ٹیموں کے درمیان تیسرا اور آخری ٹی ٹونٹی میچ 3 جنوری کو کھیلا جائے گا۔ کیویز نے پہلے میچ میں کالی آندھی کو 47 رنز سے شکست دی تھی۔ سیریز کے دوسرے ٹی ٹونٹی میچ میں میزبان ٹیم میچ جیت کر سیریز میں فیصلہ کن برتری جبکہ مہمان ویسٹ انڈین کامیابی حاصل کر کے سیریز برابر کرنے کی کوشش کرے گی اسلئے دونوں ٹیموں کے درمیان دلچسپ مقابلے کی توقع کی جا رہی ہے، شکست کی صورت میں ویسٹ انڈین کو ٹیسٹ اور ون ڈے کے بعد ٹی ٹونٹی سیریز سے بھی ہاتھ دھونا پڑے گا۔
ٹیم کی بدترین کارکردگی کادفاع نہیں کرسکتا،شہباز
کراچی(نیوزایجنسیاں)پی ایچ ایف کے سیکریٹری اولمپئن شہباز احمد سینئر نے کہا ہے کہ ٹیم کی بری کارکردگی کادفاع نہیں کرسکتا۔قومی ٹیم کوبہتری کےلئے ابھی کافی وقت درکارہے۔ عالمی الیون کے کامیاب دورے سے پاکستان میں انٹرنیشنل ہاکی کی بحالی میں مدد ملے گی جب کہ کراچی اور لاہور میں شیڈول میچز کو شایان شان انداز میں منعقد کرایا جائے گا۔ایک انٹرویو میںپاکستان ہاکی فیڈریشن کے سیکریٹری شہباز سینئر نے کہا کہ میں مانتا ہوں کہ اس وقت پاکستان ہاکی ٹیم کی پرفارمنس اچھی نہیں ہے ، ہماری ٹیم تشکیل کے مراحل سے گزر رہی ہے اور اگلے سال سے وہ اچھے نتائج پیش کرنے کی پوزیشن میں آجائے گی اور پاکستان کی عالمی رینکنگ بھی بہتر ہوجائے گی۔ سال2018ء پاکستان ہاکی ٹیم کی عالمی رینکنگ کو بہتر بنانے کا ہدف بنایا ہے، اللہ نے چاہا تو پاکستان انٹرنیشنل ہاکی میں نمایاں مقام پانے میں کامیاب ہوجائیگا تاہم خواہش ہے کہ قومی ٹیم جکارتہ میں ہونے والے ایشین گیمز کا فائنل کھیلے۔
ڈیل یا کچھ اور ۔۔۔! معاملات سامنے آگئے
اسلام آباد (آئی این پی)سابق وزیر اعظم محمد نواز شریف کے ترجمان نے احتساب سے بچنے کیلئے سعودی عرب کے ساتھ نوازشریف کی مبینہ ڈیل سے متعلق برطانوی جریدے کی خبرکی سختی سے تردید کرتے ہوئے کہا ہے کہ تمام زیر گردش خبریں حقائق کے منافی اورحیران کن ہیں ان میں کوئی سچائی نہیں،میڈیا کو اس قسم کی خبروں کو نشر کرنے سے پہلے متعلقہ افراد سے گفتگو کرنی چاہیے تاکہ حقائق کا پتہ چل سکے،نواز شریف سعودی حکمران خاندان سے اپنے دیرینہ تعلق کی بنا پر سعودی عرب کا دورہ کررہے ہیں نواز شریف نے ہمیشہ اپنے ذاتی تعلقات کو بھی قومی مفاد کےلئے استعمال کیا ہے نہ کہ ذاتی مفاد کےلئے ،نواز شریف کا ریکارڈ گواہ ہے کہ انہوں نے سپریم کورٹ سمیت تمام اعلیٰ اداروں کا احترام کیا ہے، نواز شریف نے نہ صرف عدالتی فیصلوں کو تسلیم کیا ہے بلکہ فیصلوں کے احترام میں مقدمات کا سامنا بھی کررہے ہیں، نواز شریف کو یقین ہے کہ وہ بے گناہ ہیں اور اپنی بے گناہی ثابت بھی کریں گے۔اتوار کو سابق وزیراعظم کے ایک ترجمان نے برطانوی جریدے کی خبرپر ردعمل ظاہر کرتے ہوئے کہاکہ نواز شریف احتساب سے بچنے کےلئے سعودی عرب سے بات چیت نہیں کررہے، ترجمان نے اس زیر گردش تمام خبروں کی تردید کرتے ہوئے کہا ہے یہ خبر حیران کن ہے جس میں کوئی سچائی نہیں ہے، نواز شریف سعودی حکمران خاندان سے اپنے دیرینہ تعلق کی بنا پر سعودی عرب کا دورہ کررہے ہیں نواز شریف نے ہمیشہ اپنے ذاتی تعلقات کو بھی قومی مفاد کےلئے استعمال کیا ہے نہ کہ ذاتی مفاد کےلئے ، ترجمان نے مزید کہا ہے کہ نواز شریف کا ریکارڈ گواہ ہے کہ انہوں نے سپریم کورٹ سمیت تمام اعلیٰ اداروں کا احترام کیا ہے، نواز شریف نے نہ صرف عدالتی فیصلوں کو تسلیم کیا ہے بلکہ فیصلوں کے احترام میں مقدمات کا سامنا بھی کررہے ہیں، ترجمان نے کہا کہ نواز شریف کو یقین ہے کہ وہ بے گناہ ہیں اور اپنی بے گناہی ثابت بھی کریں گے، نواز شریف پر کوئی پابندی عائد نہیں ہے اس لئے اجازت کا حصول ان کے لئے کوئی مسئلہ نہیں ہے ، ترجمان نے کہا کہ یہ تمام افواہیں ہیں جن میں کوئی سچائی نہیں ہے، ترجمان کا کہنا تھا کہ یہ تمام زیر گردش خبریں حقائق کے منافی ہیں میڈیا کو اس قسم کی خبروں کو نشر کرنے سے پہلے متعلقہ افراد سے گفتگو کرنی چاہیے تاکہ حقائق کا پتہ چل سکے۔واضح رہے کہ برطانوی جریدے ”دی ٹائمز “نے دعوی کیا تھا کہ سعودی عرب میں نواز شریف کے معاملات طے پانے کا امکان ہے، نواز شریف ایک بار پھر جلاوطنی اختیار کر سکتے ہیں اور سیاست سے کنارہ بھی کر سکتے ہیں۔جریدے نے یہ بھی لکھا ہے کہ نواز شریف سیاست چھوڑنے کی حامی بھر چکے ہیں اور نواز شریف پر دبا ڈال کر شہباز شریف کو جانشین نامزد کیا گیا ہے۔ برطانوی جریدے نے مزید لکھا ہے کہ جلاوطنی پر نواز شریف کی مقدمات سے جان چھوٹ سکتی ہے، سعودی ڈیل کے تحت نواز شریف کا کیسز سے چھٹکارا ممکن ہے۔
نواز شریف کا این آراو جمہوریت کیخلاف سازش ،ناکام بنائیں گے ،زرداری
لاہور، کراچی، ساہیوال (نمائندگان، نیوز ایجنسیاں) پیپلز پارٹی کے چےئرمین بلاول بھٹو زرداری اور شریک چیئرمین آصف زرداری نے طاہر القادری کی اے پی سی میں ہونے والے فیصلوں کی توثیق کرتے ہوئے انتخابی مہم تیز کرنے کی ہدایت کردی‘ آصف علی زرداری نے لاہور میں داتا دربار اور بی بی پاک دامن کے مزار پر حاضری دی۔ پارٹی قائدےن سے خطاب کرتے ہوئے آصف علی زرداری نے کہا کہ (ن) لےگ والوں کی سےاست اپنی موت مر رہی ہے نواز شرےف کا کوئی بھی اےن آر او جمہورےت کے خلاف کسی سازش سے کم نہےں ہوگا اس لےے ہم متحد ہو کر حکمرانوں کی تمام سازشےں ناکام بنا دےں گے اور ملک مےں عام انتخابات مےں تاخےرکو کسی صورت برداشت نہےں کےا جائےگا اور ہر محاذ پر حکمرانوں کے خلاف مےدان مےں جنگ لڑےں گے۔ تحریک انصاف سینٹرل پنجاب نے سال2017کے اختتام پر موجودہ حکومت پر کڑی تنقید کرتے ہوئے کہا ہے کہ شریفوں کو ڈیل ملے گی نہ ڈھیل ،2018کرپٹ ٹولے سے نجات کا سال ہوگا ،صدر سینٹرل پنجاب عبدالعلیم خان نے کہاہے کہ پنجاب کا ہر ضلع ناکامیوں ،مایوسیوں اور بد عنوانیوںکی بڑی بڑی داستانیں سنا رہا ہے ، نواز لیگ کے آقاو¿ں نے تیز تر طریقے سے پیسہ بنانے کےلئے کرپشن کے میگا منصوبے اپنی ناک تلے رکھے اور پنجاب کے کسی ضلع میں کوئی نیا ہسپتال ،تعلیمی ادارہ یا فلاحی منصوبہ شروع نہیں کیا ،مریض ایڑیاں رگڑ رہے ہیں بچے سیڑھیوں میں پیدا ہو رہے ہیں لیکن حکمران بے حس رہے۔ آل پاکستان مسلم لیگ کے سربراہ اورسابق صدر پرویز مشرف نے کہا ہے کہ نوازشریف کرپشن کے باعث نااہل ثابت ہو چکے ہیں اس لیے شریف برادران سے کوئی ڈیل نہیں ہونی چاہیے، نوازشریف کا مقصد فوج پر دباﺅ ڈالنا ہے جس کی انہیں پرانی بیماری ہے اور مجھے بھی دباﺅ میں رکھنے کی کوشش کرتے رہے ہیں۔ایک خصوصی انٹرویومیں سابق صدر نے کہاکہ نوازشریف کی سعودی عرب میں ڈیل سے متعلق پتہ نہیں البتہ یہ بھی ہوسکتا ہے کہ سعودی عرب نے دونوں بھائیوں کو تحقیقات کے لیے بلایا ہوں کیوں کہ وہاں کرپشن کے خلاف مہم جاری ہے۔پاکستان پےپلز پارٹی پنجاب کے صدر قمر الزمان کائرہ نے کہا ہے کہ نا اہل سابق وزےرا عظم نواز شرےف کر پشن چھپانے کے لئے بےرون ملک سے مدد مانگ رہے ہےں اور وہ کسی صورت کامےاب نہےں ہو نگے ےہ بات ضلعی صدر چو ہدری زکی کی رہا ئش گاہ پر خبرےں سے خصوصی گفتگو کر تے ہوئے کہی۔ انہوں نے کہا کہ پےپلز پارٹی کسی اےن آر کو کامےاب نہےں ہو نے دے گی اور بھر پور عوامی قوت سے مزاحمت کرےں اور تحرےک چلائےں گے ۔عدلےہ اور اداروں سے ٹکراﺅ کی نواز شرےف ٹولہ کی پالےسی ناکام ہو چکی ہے اس لئے وہ اب ہر قےمت پر ملک سے فرار اور کر پشن کی دو لت کے تحفظ کے لئے آخری حد تک جانے کو بھی تےار ہےں ۔ تحرےک انصاف کے مرکزی رہنما اعجاز احمد چوہدری نے کہا کہ پاکستانی قوم حرمےن شرےفےن اور سعودی دوستی کی دل سے قدر کرتی ہے ، نواز شرےف نے سعودی شہزادے کے ساتھ تےن ارب رےال کی سرماےہ کاری کی ےہ پاکستانی عوام کا لوٹا ہوا پےسہ ہے اس پےسے پر عوام کا حق ہے۔ اپنے اےک بےان مےں انہوںنے کہاکہ پاکستانی قوم نواز شرےف کے ساتھ کسی ڈےل اور ڈھےل کو برداشت نہےں کرے گی بلکہ سےسہ پلائی دےوار کے طرح کھڑی ہو جائے گی ، سعودی بادشاہ قومی مجرم کے ساتھ کسی اےن آر او کا حصہ نہ بنےں وگرنہ ےہ پاکستانی قوم کے ساتھ دشمنی کے متراد ف ہوگا۔ تحر ےک انصاف کور کمےٹی کے رکن و سابق گور نر چوہدری محمدسرور نے کہا ہے کہ کوئی ”اےن آر او“چوروں کو احتساب سے نہےں بچاسکے گا‘مک مکاﺅ کی سےاست نے جمہور ےت اور پارلےمنٹ کو کمزور کر دےا ہے ‘ اگر ملک میں جمہو ریت کو کوئی نقصان ہوگا تواسکی ذمہ داری صرف اور صرف(ن)لیگ پر عائد ہوگی ‘ہم آئےن قانون اور جمہورےت کی حکمرانی بات کر تے ہےں ‘ ملک مےں شفاف احتساب سے جمہو رےت کمزور نہےں مضبوط ہوگی ‘ہمار امطالبہ شفاف احتساب اور کرپشن کا خاتمہ ہے۔
فوج ہمارے ساتھ ہوتی تو دھرنے کے دنوں میں بہت کچھ ہو جاتا،عمران خان
اسلام آباد (آن لائن) تحریک انصاف کے چیئرمین عمران خان نے کہا ہے کہ اگر تحریک انصاف کے ساتھ فوج ہوتی تو پھر دھرنے کے دنوں میں پاکستان میں نہ جانے کیا ہوجاتا،حکومت کو فوج کے فیض آباد دھرنا ختم کرانے پر شکریہ ادا کرنا چاہیے،پہلی بار آرمی چیف قجنرل قمر جاوید باجوہ نے جمہورریت کے حق میں بیان دیا کیونکہ ماضی میں کسی جنرل کو جمہوریت کے حق میں بات کرنے کی توفیق نہیں ہوئی۔ ان خیالات کا اظہار عمران خان نے ایک غیر ملکی نشریاتی ادارے کو دئیے گئے انٹرویو میں کیا۔ انہوں نے کہا کہ کیا لاکھوں افراد کے جلسے میں لوگ فوج بھیج رہی ہے۔ انہوں نے کہا کہ اگر تحریک انصاف کے ساتھ فوج ہے تووہ مجھے کیسے فائدہ پہنچا رہی ہے۔ چیرمین تحریک انصاف عمران خان نے کہا کہ اس وقت پاکستانی سیاست میں فوج کا بہترین کردار ہے کوئی شک نہیں کہ ماضی میں فوج کا کردار اچھا نہیں رہا ۔ تاہم اب فوج کے کردار پر شک نہیں کیا جاسکتا۔ انہوں نے کہا کہ فیض آباد دھرنا ختم کرانے میں فوج مدد نہ کرتی تو نجانے پاکستان میں کیا ہوجاتا۔ حکومت کو فوج کا دھرنے ختم کرانے کا شکریہ ادا کرنا چاہیے انہوں نے کہاکہ پاکستان کی تاریخ میں پہلی بار آرمی چیف جنرل قمر جاوید باجوہ نے سایست کے حق میں بیان دیا کیونکہ ماضی میں کسی جنرل کو جمہوریت کے حق میں بات کرتے ہوئے نہیں سنا۔ جنرل باجوہ نے کہا ہے کہ وہ پاکستان کے آئین اور جمہوریت کے ساتھ کھڑے ہیں۔ چیئرمین پی ٹی آئی نے عائشہ گلالئیی کی جانب سے سنگین الزماات کا جواب دیتے ہوئے کہا کہ عائشہ گلالئی اپنا فون لائیں۔ دونوں کے موبائل کا فرانزک کرالیں انہوں نے کہا کہ گلالئی نے کہا کہ آپ نے تین سال پہلے مسیج بھیجا تھا وہ مہربانی کرکے ثبوت دیتیں میں نے عائشہ گلالئی کے الزماات ر خود کو احتساب کیلئے پیش کیا۔ چیئرمین پی ٹی آئی عمران خان نے کہا کہ نیویارک میں نائن الیون سانحے سے قبل کوئی طالبان یا القاعدہ نہیں تھے جس کے بعد پاکستان امریکہ کی جنگ میں شریک ہوا۔ کوئی پاکستانی نائن الیون واقعہ میں ملوث نہیں ہے۔ (عابد شاہ)
بھارت نے دریائے چناب کا پانی روک لیا
سیالکوٹ (خصوصی رپورٹ) بھارت کی آبی جارحیت جاری، دریائے چناب کا 49ہزار کیوسک پانی روک لیا۔ نہر مرالہ راوی لنک کے بعد نہر اپرچناب کو بھی غیرمعینہ مدت کیلئے پانی کی فراہمی بند کر دی گئی۔ تفصیلات کے مطابق دریائے چناب، دریائے جموں توی، دریائے مناورتوی کے سنگم ہیڈ مرالہ کے مقام پر پانی کی آمد 6ہزار 247کیوسک ریکارڈ کی گئی اور ہیڈ خانکی کیلئے اخراج بھی 6ہزار 247 کیوسک رہا۔ ذرائع ہیڈ مرالہ اتھارٹی کے مطابق دریائے چناب میں بھارت 55ہزار کیوسک پانی چھوڑنے کا پابند ہے تاہم اس نے دریائے چناب پر متعدد ڈیم بنا لئے ہیں اور وہاں پر دریائے چناب کا پانی روک لیا ہے۔ دریائے جموں توی، دریائے مناور توی اور دیگر اطراف سے بھارتی ڈیموں کے ایریا کے بعد مختلف علاقوں کا پانی دریا میں شامل ہو کر 6ہزار 247کیوسک مرالہ کے مقام پر ریکارڈ کیا جا رہا ہے۔ ذرائع کے مطابق قبل ازیں پانی کی شدید کمی کے باعث نہر مرالہ راوی لنک کو 20ستمبر کو بند کردیا گیا تھا اور نہر اپر چناب کو 6ہزار کیوسک پانی فراہم کیا جا رہا تھا تاہم بھارت کی طرف بگلیہار ڈیم پر دریائے چناب کا مکمل پانی روکے جانے کے باعث پانی کی آمد میں شدید کمی ہوگئی ہے‘ جس کی بنا پر ہیڈ مرالہ کے مقام سے برآمد ہونے والی دونوں نہروں کو بند کر دیا گیا ہے جس کے باعث ضلع سیالکوٹ، ضلع نارووال، گوجرانوالہ، شیخوپورہ، لاہور اور قصور سمیت متعدد علاقوں میں لاکھوں ایکڑ اراضی پر کاشت کی جانیوالی گندم کی فصل شدید متاثر ہو گی۔ دوسری طرف جموں و کشمیر سے پاکستان میں داخل ہونے والے نالہ ایک، نالہ ڈیک، نالہ پلکھو اور نالہ بھیڈ مکمل طور پر خشک ہوچکے ہیں۔
فوج کی شکا یت پر نواز شریف کی سعودیہ طلبی
لاہور (مانیٹرنگ ڈیسک) دفتر خارجہ کے ایک سابق اہلکار فیصل محمد نے دعویٰ کیا ہے کہ نوازشریف کو فوج کی شکایت پر سعودی عرب بلایا گیا ہے۔ ایک نجی ٹی وی پر انٹرویو میں انہوں نے کہا فوج کو معلومات حاصل ہوئی تھیں کہ بھارت مریدکے پر سرجیکل سٹرائیک کرنا چاہتا ہے اور نوازشریف کی لندن میں اس حوالے سے ملاقاتیں ہوئی تھیں جن کا فوج نے سختی سے نوٹس لیا اور سعودی عرب سے بھی اس حوالے سے بات کی تھی جس کے بعد نوازشریف کو سعودی عرب بلوایا گیا۔
واپسی کی تیاریاں
اسلام آباد (خصوصی رپورٹ) آل پاکستان مسلم لیگ کے صدر پرویز مشرف نے وطن واپسی کے لئے قانونی مشاورت کا فیصلہ کرلیا‘ پرویز مشرف کے وکیل اختر شاہ ایڈووکیٹ نے کہا کہ پرویز مشرف وطن واپس آکر کیسز کا سامنا کرنا چاہتے ہیں‘ پرویز مشرف سنگین غداری کیس سمیت تمام مقدمات کا سامنا کرنا چاہتے ہیں۔ اتوار کو پرویز مشرف نے وطن واپسی کے لئے قانونی مشاورت کرنے کا فیصلہ کرلیا۔ مشرف نے اپنے وکیل اختر شاہ ایڈووکیٹ سے قانونی مشاورت کے لئے رابطہ کیا۔ اختر شاہ ایڈووکیٹ نے کہا کہ مشرف نے قانونی مشاورت کے لئے دبئی طلب کیا ہے۔ مشرف نے کیسز پر قانونی مشاورت کیلئے طلب کیا۔ جنوری کے پہلے ہفتے دبئی میں قانونی مشاورتی اجلاس ہوگا۔ پرویز مشرف وطن واپس آکر کیسز کا سامنا کرنا چاہتے ہیں پرویز مشرف واپس آنا چاہتے ہیں سکیورٹی دی جائے۔
سوئس بینکوں سے پیسے واپس
اسلام آباد (خصوصی رپورٹ) پاک سوئس معاہدہ کے بعد ایف بی آر نے پاکستانی امراءکی فہرست تیار کرلی ہے،آج (پیر) سے فہرستیں دئےے جانے کا امکان ہے۔ایف بی آر ذرائع سے معلوم ہوا ہے کہ ایف بی آر نے سوئس بنکوں میں موجود162ارب ڈالر کی واپسی کے لئے پاکستانی امراءکی فہرستیں تیار کرلی ہیں اور اس حوالے سے انکی منقولہ وغیر منقولہ جائیدادوں کے حوالے بھی دئےے گئے ہیں۔
پیر سیالوی نے طاہرالقادری کو نہ کردی
تونسہ شریف(آئی این پی ) آستانہ عالیہ سیال شریف کے گدی نشین پیر حمید الدین سیالوی نے پاکستان عوامی تحریک کے سربراہ طاہر القادری کے احتجاج اور دھرنے میں شرکت سے انکار کرتے ہوئے کہا ہے کہ میرا کوئی سیاسی ایجنڈا نہیں، میں کسی بھی دھرنے میں شریک نہیں ہوں گا،ہمارا موقف ختم نبوت اور ناموس رسالت ہے، میں نے رانا ثنااللہ سے متعلق کوئی ڈیڈ لائن نہیں دی ۔ تفصیلات کے مطابق تونسہ شریف میں گزشتہ روز پاکستان علما مشائخ کانفرنس ہوئی جس کے ساتھ ساتھ ختم نبوت کے ایجنڈے پر مشاورتی اجلاس بھی ہوا۔ کانفرنس میں پنجاب ، سندھ اور آزاد کشمیر سے تعلق رکھنے والے 15 سے زائد مشائخ شریک ہوئے۔ اس موقع پر میڈیا سے گفتگو کرتے ہوئے پیر خواجہ حمید الدین سیالوی نے کہا کہ ہمارا موقف ختم نبوت اور ناموس رسالت ہے اور اس سے پیچھے نہیں ہٹ سکتا، دنیا کی کوئی طاقت مجھے نہیں ہلاسکتی اورکوئی دولت مجھے نہیں خرید سکتی۔پیر خواجہ حمید الدین سیالوی نے کہا کہ پیر حمید سیالوی نے طاہر القادری کے احتجاج میں شمولیت سے انکار کرتے ہوئے کہا کہ میں کسی بھی دھرنے میں شریک نہیں ہوں گا، میری تحریک محض ختم نبوت ہے، سیاسی ایجنڈا نہیں، طاہرالقادری نے ہم سے کوئی رابطہ نہیں کیا نہ ہم ان کے دھرنے میں جائیں گے، میں نے رانا ثنااللہ سے متعلق کوئی ڈیڈ لائن نہیں دی، مہلت ہم نے نہیں دی انہوں نے مانگی ہے۔ انہوں نے کہا ہمارا مطالبہ رانا ثنااللہ کا استعفی ہے اور تحریک جو چلائی ہے وہ ختم نبوت اور ناموس رسالت ہے، ہمارا کسی سیاسی جماعت سے تعلق ہے اور نہ ہی سیاست کرنے نکلے ہیں، 9 جنوری کو سیال شریف میں فیصلہ کن کنونشن ہوگا جس میں لاہور میں احتجاج کا فیصلہ کیا جائے گا۔