راولپنڈی(ویب ڈیسک) آرمی چیف کی جانب سے معصوم زینب کے وحشیانہ قتل کی پرزور مذمت کرتے ہوئے فوجی حکام کو سول انتظامیہ سے مکمل تعاون کی ہدایت کی گئی ہے۔ڈی جی آئی ایس پی آر کے مطابق جنرل قمر جاوید باجوہ نے ظلم اور بربریت کا شکار بننے والی زینب کے والدین کی اپیل پر فوجی حکام کو سول انتظامیہ سے مکمل تعاون کی ہدایت کی ہے۔آرمی چیف نے مجرموں کو گرفتار کر کے انصاف کے تقاضے پورے کرنے کے لیے خصوصی ہدایت کی، یاد رہے کہ مقتول زینب کے والد نے آرمی چیف سے انصاف فراہمی میں مدد کی اپیل کی تھی۔تفصیلات کے مطابق آرمی چیف نے معصوم زینب کے بہیمانہ قتل کی پرزور مذمت کرتے ہوئے فوجی حکام کوسول انتظامیہ سے مکمل تعاون کی ہدایت کی ہے۔
