Monthly Archives: December 2017
کیسی نا اہلی ہے کہ ملکی سیاست نواز شریف کے گرد گھوم رہی ہے، مریم نواز
لاہور(ویب ڈیسک)سابق وزیر اعظم نواز شریف کی صاحبزادی مریم نواز کا کہنا ہے کہ یہ کیسی نا اہلی ہے کہ ملک کی ساری سیاست نواز شریف کے گرد گھوم رہی ہے۔لاہور میں تقریب سے خطاب کرتے ہوئے مریم نواز کا کہنا تھا کہ جمہوری لیڈر نہ صرف عوام کے حقوق کا تحفظ کرتے ہیں بلکہ ان کے حقوق بھی واپس دلواتے ہیں اور نواز شریف کا یہی خوف سازشیوں اور مخالفین کو دن رات کھائے جا رہا ہے۔مسلم لیگ (ن) کی رہنما نے کہا کہ یہ کیسی نا اہلی ہے کہ ملک کی ساری سیاست نواز شریف کے گرد گھوم رہی ہے جبکہ نواز شریف کے خوف سے اتحاد بن اور ٹوٹ رہے ہیں۔ان کا کہنا تھا کہ یہ کیسی نااہلی ہے کہ ایک دوسرے کا چہرہ نہ دیکھنے والے مخالفین کو بھی اکٹھا بیٹھنا پڑ رہا ہے، عمران خان چار سال سے رو رہا ہے اور جیسے جیسے (ن) لیگ اور نواز شریف آگے بڑھیں گے ان کا رونا تیز ہوتا جائیگا۔مریم نواز کا کہنا تھا کہ نوازشریف کے خلاف بار بار کیس چلتا ہے لیکن اس نااہلی سے نوازشریف مزید مضبوط ہوا ہے۔انہوں نے کہا کہ نیب کے مقدمے میں گواہوں کی بات سن کے مجھے ہنسی آتی ہے کیوں کہ گواہوں سے سوال کیے جاتے ہیں تو وہ کہتے ہیں ہمیں نہیں پتہ کاغذات میں کیا لکھا ہے۔ان کا کہنا تھا کہ گواہوں کو یہ بھی پتہ نہیں ہوتا کہ وہ کس چیز کی گواہی دینے آئے ہیں اور گواہ کہتے ہیں انھیں یہ کاغذ پکڑائے گئے ہیں۔مریم نواز نے کہا کہ ہمارے کیس میں بادی النظر کی بات کی جاتی ہے جبکہ نیازی کمپنی نے لندن میں فلیٹ خریدا بھی اور فروخت بھی کیا، عمران خان بار بار سپریم کورٹ میں موقف بدلتا رہا لیکن اس سے کہا جاتا ہے نہیں نہیں یہ اثاثے تمہارے نہیں کیوں کہ سپریم کورٹ عمران خان سے بہتر جانتی ہے۔انہوں نے کہا کہ نواز شریف کی تین نسلوں کی چیزیں کھنگال لیں لیکن عدالتی کمیشن نے عمران خان سے سوال پوچھے تو انہوں نے کہا کہ سر پر چوٹ لگی تھی اس لیے میں بھول گیا۔ان کا کہنا تھا کہ نواز شریف نے لوڈشیڈنگ ختم کرنے کا وعدہ کیا اور نواز شریف نے جو وعدے کیے تمام پورے کیے۔رہنما مسلم لیگ (ن)نے کہا کہ نواز شریف نے 10 ہزار کلومیٹر سڑکوں کاجال بچھایا اور اب مخالفین کی بےچینی دیکھیں انہیں بات کرنے کو کوئی ایشو نہیں ملتا۔انہوں نے کہا کہ نوازشریف ہی 2018 کا الیکشن جیتے گا اور نواز شریف کی ہی قیادت میں پاکستان کی ترقی کا سفر 2018 میں ایک بار پھر شروع ہوگا۔
نواز شریف نے مخالفین کی نیندیں حرام کر دیں ۔۔۔ 2018میں بھی شیر دہا ڑے گا ،مریم نواز
سانحہ ماڈل ٹاﺅن ۔۔۔حکومتی حکمت عملی نے سب کو حیران کر دیا ، شہباز شریف اور رانا ثناءاﷲ بارے بڑی خبر آگئی
لاہور(ویب ڈیسک)وزیراعلیٰ پنجاب شہبازشریف اور وزیر قانون رانا ثنااللہ نے سانحہ ماڈل ٹاو¿ن پر صفائی دینے کے لیے آمادگی ظاہر کردی۔پاکستان عوامی تحریک نے سانحہ ماڈل ٹاو¿ن پر آئندہ کی حکمت عملی طے کرنے کے لیے اے پی سی طلب کی اور طا ہرالقادری کا کہنا ہے کہ اب عوامی احتجاج اور دھرنے سمیت کچھ بھی ہوسکتا ہے۔ذرائع کے مطابق سانحہ ماڈل ٹاو¿ن پر وزیراعلیٰ پنجاب شہبازشریف اور وزیر قانون رانا ثنااللہ صفائی دینے کے لیے تیار ہیں لیکن پنجاب حکومت اس بارے میں معافی مانگنے کو تیار نہیں۔ذرائع نے بتایا کہ شہبازشریف اور رانا ثنااللہ قسم اٹھانے یا حلفاً کہنے کو بھی تیار ہیں کہ سانحہ ماڈل ٹاو¿ن کسی منصوبہ بندی کے تحت نہیں کیا گیا۔ذرائع کے مطابق سانحہ ماڈل ٹاو¿ن کے بعد سے اب تک عوامی تحریک کے رہنما خرم نواز گنڈاپور اور رانا ثنااللہ کے درمیان چار ملاقاتیں ہوچکی ہیں، خرم نواز نے راناثناءاللہ سے 2 ملاقاتیں ایک دوست گل شیر کے گھر پر کیں، 180 ایچ ماڈل ٹاو¿ن میں بھی دونوں کی ملاقات ہوئی جس میں ایک اہم شخصیت بھی شامل تھی۔
فلم ’پدماوتی‘ کو ریلیز کی مشروط اجازت مل گئی
بالی وڈ (ویب ڈیسک )اداکارہ دپیکا پڈوکون کی فلم ’پدماوتی‘ کو بھارتی سنسر بورڈ نے نمائش کی مشروط اجازت دے دی۔سال 2017 کی سب سے متنازع فلم ’پدماوتی‘ رہی، جس نے بھارت بھر میں بھونچال کی کیفیت طاری کیے رکھی۔ فلم پر ’شری راجپوت کرنی سینا‘ نے تاریخی حقائق مسخ کرنے کا الزام عائد کیا تو وہیں انتہا پسندوں نے فلم کی نمائش روکنے کے لیے پر تشدد مظاہرے کیے۔دوسری جانب بی جے پی کے انتہا پسند رہنما نے دپیکا پڈوکون اور ہدایت کار سنجے لیلا بھنسالی کے سر کی قیمت 10 کروڑ لگا ڈالی، جس کے بعد پروڈیوسرز نے انتہا پسندوں کے دباو¿ میں آکر فلم کی ریلیز یکم دسمبر کو موخر کردی تھی۔فلم کی اسپیشل اسکریننگ میں سنسر بورڈ کے ارکان کے ساتھ ساتھ تاریخ دان اور رانی پدمنی کے خاندان کے افراد بھی شریک تھے۔ اجلاس میں طویل مشاورت کے بعد بھارتی سنسر بورڈ نے فلم کو مشروط اجازت دے دی ہے۔بھارتی میڈیا کے مطابق سنسر بورڈ کا کہنا ہے کہ فلم کا نام تبدیل کرنے اور فلم کے 26 مناظر کو ہٹانے کی شرط پر سرٹیفکیٹ جاری کیا جائے گا، جس پر عمل کیے بغیر فلم کو نمائش کی اجازت نہیں دی جائے گی۔بھارتی سنسر بورڈ نے فلم کا نام بھی ’پدماوت‘ تجویز کیا ہے، اس حوالے سے سنجے لیلا بھنسالی اور فلم پروڈیوسرز کی جانب سے کسی قسم کا ردعمل سامنے نہیں آیا۔
چین میں ڈونلڈ ٹرمپ سے مشابہت رکھنے والے کتے کا مجسمہ نصب
بیجنگ (خصوصی رپورٹ) چین کے شمالی صوبے شانسی کے ایک شاپنگ مال میں نئے سال کا استقبال کرنے کے لئے امریکی صدر ڈونلڈ ٹرمپ سے مشابہت رکھنے والے کتے کا مجسمہ نصب کیا گیا ہے۔ اس مجسمے کے بال اور بھویں سنہری، گلے میں لال رومال اور اس کا ایک بازو ڈونلڈ ٹرمپ کے روایتی انداز میں اٹھا ہوا ہے۔ واضح رہے کہ چینی کیلنڈر بارہ برسوں پر مشتمل اور اس کا ہر سال کسی جانور کے نام سے منسوب ہے۔ 2018 ءکتے کے سال سے منسوب ہے۔ یہ نیا سال فروری سے شروع ہو گا۔
سانحہ ماڈل ٹاﺅن پر طاہر القادری کی آل پارٹیز کانفرنس
لاہور(ویب ڈیسک) پاکستان عوامی تحریک کے سربراہ طاہر القادری کی زیر صدارت سانحہ ماڈل ٹاو¿ن پر آل پارٹیز کانفرنس ہورہی ہے۔عوامی تحریک کے سربراہ کی زیر صدارت کل جماعتی کانفرنس ہورہی ہے جس میں ڈاکٹر طاہر القادری تمام اپوزیشن جماعتوں کو اکٹھا کرنے کی کوششوں میں مصروف ہیں۔ کل جماعتی اجلاس کے باقاعدہ آغاز پر طاہر القادری نے کہا کہ اے پی سی میں 40 سے زائد سیاسی جماعتیں شرکت کررہی ہیں، وہ تمام جماعتوں کے قائدین کا شکریہ ادا کرتے ہیں، آج کی اے پی سی کا ایجنڈا سانحہ ماڈل ٹاو¿ن اور مجھے کیوں نکالا ہے، سیاسی جماعتوں میں بعض معاملات پر اختلافات ہوتے ہیں لیکن سانحہ ماڈل ٹاو¿ن پر آج تمام بڑی جماعتیں ایک چھت تلے جمع ہیں، ماڈل ٹاو¿ن میں پنجاب حکومت کی درندگی نے سیاسی جماعتوں کو اکٹھا کردیا ہے، سیاسی جماعتیں عدلیہ، فوج اور دیگر اداروں کے ساتھ ہیں، نواز شریف نے ملکی تاریخ میں کرپشن کاآغازکیا، انہوں نے ارکان اسمبلی کو پیسے دے کر رشوت کا آغازکیا، آج نوازشریف کہتے ہیں کہ وہ نظریاتی اور جمہوریت کی جنگ لڑرہے ہیں۔آل پارٹیز کانفرنس میں پیپلز پارٹی کا وفد شریک ہے جس میں سینیٹر رحمان ملک، قمر زمان کائرہ، میاں منظور احمد وٹو اور لطیف کھوسہ شامل ہیں جبکہ پاکستان تحریک انصاف کے وفد میں شاہ محمود قریشی ،جہانگیر ترین، شفقت محمود اور چودھری سرور شامل ہیں۔ عوامی مسلم لیگ کے شیخ رشید کا ایک رکنی وفد بھی اے پی سی میں موجود ہے جب کہ مسلم لیگ ق کے چوہدری برادارن، کامل علی آغا اور طارق بشیر چیمہ بھی شرکت کررہے ہیں۔ جماعت اسلامی کی طرف سے لیاقت بلوچ کی سربراہی میں وفد اے پی سی میں نمائندگی کررہے ہیں۔
ایم ڈبلیو ایم کے سید اسد عباس نقوی وفد کے ہمراہ اے پی سی میں شریک ہیں۔ چیئرمین پاک سرزمین پارٹی سید مصطفیٰ کمال بھی کانفرنس میں شرکت کے لئے لاہور پہنچ گئے ہیں۔ سینئر وائس چیئرمین ڈاکٹر صغیر، وائس چیئرمین وسیم آفتاب بھی انکے ہمراہ ہیں۔ ذرائع کے مطابق پاکستان عوامی تحریک نے سانحہ ماڈل ٹاو¿ن سے متعلق جدوجہد کو فیصلہ کن بنانے کا فیصلہ کرلیا ہے اور کارکنوں کو کم از کم 15 دن کا راشن جمع کرنے اور تیاری کی ہدایات کردی گئی ہیں۔عوامی تحریک جنوری کے پہلے یا دوسرے ہفتے سے احتجاج کی کال دے سکتی ہے اور احتجاج کی نوعیت اور حتمی تاریخ کا اعلان آج کیا جائیگا۔ اے پی سی میں لاہور سمیت مختلف شہروں میں ایک ہی دن احتجاجی دھرنے دینے کے آپشن پر بھی غور ہوگا۔
سابق فٹبالر جارج ویا لائبیریا کے صدر منتخب
لائبیریا (نیٹ نیوز) فٹبال کلب چیلسی، مانچیسٹر سٹی اور اے سی میلان کے سابق کھلاڑی جارج ویا لائبیریا کے صدر بن گئے ہیں۔ اکیاون سالہ جارج ویا سنہ 1995 میں بیلن ڈی اور جیتنے والے پہلے غیر یورپی کھلاڑی رہ چکے ہیں۔ ان کے 18 سالہ فٹبال کریئر کا اختتام 2003 میں ہوا تھا۔اس کے بعد وہ سیاست میں داخل ہو گئے اور لائبیریا کی پارلیمان میں بطور سینیٹر خدمات سرانجام دے رہے تھے۔ لائبیریا کی نیشنل الیکشن کمیشن نے ان کی جیت کا اعلان کیا اور کہا کہ انھوں نے اپنے مخالف امیدوار کے مقابلے میں 60 فیصد سے زائد ووٹ حاصل کیے۔ جیسے ہی ان کی جیت کی خبر سامنے آئی تو ان کے سپورٹر دارالحکومت مونورویا میں جشن منانے لگے۔ جارج ویھ کئی دہائیوں میں پہلی مرتبہ لائبیریا میں اقتدار کی منتقلی کے اس مرحلے میں افریقہ کی پہلی منتخب خاتون صدر کی جگہ اب اقتدار سنبھالیں گے۔ انتخابی نتائج کے اعلان کے بعد جارج ویھ نے اپنے ٹوئٹر پر لکھا: ’میرے لائبیرین ساتھیو، میں پوری قوم کے جذبات کو محسوس کر رہا ہوں۔‘انھوں نے مزید کہا کہ ’مجھے آج ملنے والی ذمہ داری اور اس کی اہمیت کا احساس ہے۔
فلم ”پرچی “کی کاسٹ کی وزیراعظم شاہد خاقان عباسی سے ملاقات
اسلام آباد (شوبز ڈیسک) فلم پرچی کی کاسٹ اپنی فلم کی پرموشن کیلئے وزیراعظم شاہد خاقان عباسی سے ملنے پہنچ گئی۔نئے سال کے موقع پر پاکستانی فلم انڈسٹری کا فلم بینوں کیلئے تحفہ، فلم پرچی کی کاسٹ اپنی فلم کی پرموشن کیلئے وزیراعظم سے ملاقا ت کی۔اس موقع پر فلم کے مرکزی کرداروں حریم فاروق ، علی رحمان خان اور ڈائریکٹر اظفرجعفری نے وزیراعظم شاہد خاقان عباسی سے ملاقات کی ، فلم پرچی 5 جنوری 2018 کو سنیما گھروں کی زینت بنے گی۔ فلم کی ٹیم نے وزیر اعظم کو فلم کے نام والی ایک جرسی تحفہ کے طور پر دی۔ جسے وزیراعظم نے بہت پسند کیا۔
مادھوری کیساتھ کام کرنے کیلئے پرجوش ہوں‘انیل کپور
ممبئی (شوبز ڈیسک)بالی ووڈ اداکار انیل کپور نے کہا کہ وہ اداکارہ مادھوری کیساتھ فلم ٹوٹل دھمال میں کام کرنے کیلئے بہت پرجوش ہیں۔ میڈیا کے مطابق انیل کپور اور مادھوری ڈکشٹ 17 سال کے طویل عرصے کے بعد ٹوٹل دھمال میں دوبارہ ایکساتھ جلوہ گر ہونگے ، اس سلسلے میں انیل کپور کا کہنا ہے کہ میں فلم میں مادھوری ڈکشٹ کیساتھ کام کرنے کیلئے بہت خوش اور پرجوش ہوں، ہم نے ماضی میں بھی بہت سی فلمیں کی ہیں۔ انہوں نے کہا لوگوں نے ہمیشہ ہماری جوڑی کو پسند کیا ہے اور ہمیں امید ہے کہ ہم دوبارہ شائقین کو اپنی طرف متوجہ کرنے اور وہی جادو بکھیرنے میں کامیاب ہوں گے۔واضح رہے کہ فلم میں اجے دیوگن ، ارشد وارثی ،رتیش دیش مکھ اور جاوید جعفری بھی شامل ہیں۔
میرا کی قومی کرکٹرز کے ساتھ تصاویر سوشل میڈیا پر وائرل
لاہور(شوبز ڈیسک ) اداکارہ میرا کی قومی کرکٹرز کے ساتھ بنائی گئی تصاویر منظر عام پر آگئیں، اداکارہ میرا جو ہر وقت خبروں میں رہنے کیلئے الٹی سیدھی حرکتیں کرتی رہتی ہیں نے ایک بار پھر پاکستانی کرکٹرز کے ساتھ بنائی گئی اپنی تصاویر سماجی رابطے کی ویب سائیٹ پر دوبارہ پوسٹ کر دی ہیں۔یہ تصاویر قومی کرکٹ ٹیم کے دبئی میں ٹی ٹین لیگ میں شرکت کیلئے روانگی کے موقع پر اتاری گئی تھیں جس کو اداکارہ نے ایک بار پھر سے اپنے سماجی رابطے کی ویب سائیٹ کے اکاﺅنٹ پر پوسٹ کر دی ہیں۔تصاویر میں اداکارہ کے ساتھ قومی کرکٹ ٹیم کے کوچ گرانٹ فلاور ،کپتان سرفراز احمد ، شعیب ملک اور ان کی اہلیہ ثانیہ مرزا دکھائی دے رہی ہیں۔
بالی ووڈ اداکارہ ریچا چڈا نے مداح کو تھپڑ مارنے پر معافی مانگ لی
ممبئی (شوبز ڈیسک) بالی ووڈ اداکارہ ریچاچڈا نے مداح کو تھپڑ مارنے پر معافی مانگ لی۔ بھارتی میڈیا کے مطابق اداکارہ ریچاچڈا نے ٹوئٹر پر نوجوان لڑکی کو مخاطت کرتے ہوئے کہا کہ وہ تھپڑ مارنے پر معافی چاہتی ہیں۔ انہوں نے کہا کہ جب کسی نے فلائیٹ پکڑنی ہو اور کوئی اس وقت راستہ روکے اور سیلفی کا مطالبہ کرے تو یہ ٹھیک نہیں ہے۔ اداکارہ ریچا چڈا نے ممبئی سے دہلی کی فلائیٹ پکڑلی تھی ۔ واضح رہے کہ اداکارہ نے حال ہی میں ریلیز ہونے والی فلم ”فقرے ریڑن“ میں کردار ادا کیا ۔ اس فلم نے رواں سال کے اختتام پر خوف کامیابی اور منافع کمایا۔
بالی وڈفلم ”ٹائیگر زندہ ہے“ نے گول مال اگین کا ڈبہ گول کردیا
ممبئی(شوبز ڈیسک ) بالی وڈ کے دبنگ اداکار سلمان خان اور کترینہ کیف کی فلم ’ٹائیگرزندہ ہے‘نے 7 دنوں میں 200 کروڑ سے زائد کمالیے۔بالی وڈ کے سلطان سلمان خان اوراداکارہ کترینہ کیف کی فلم’ٹائیگرزندہ ہے ‘کی کامیابی کا سفر تیزی سے جاری ہے۔ فلم کو ریلیز ہوئے سات دن ہوگئے ہیں لیکن سینماو¿ں میں شائقین کی تعداد میں کمی نہیں آرہی ہے ا ور فلم تیزی سے کامیابی کی جانب بڑھ رہی ہے۔معروف بھارتی ویب سائٹ نے دعویٰ کیا ہے کہ ’باہوبلی2‘ کے بعد’ٹائیگر زندہ ہے‘ 2017 کی سب سے زیادہ تیزی سے 100 کروڑ کلب میں شامل ہونے والی فلم بن گئی ہے اور فلم نے ریلیز کے صرف سات دنوں میں 200 کروڑ سے زائد کی رقم کمالی ہے۔ جب کہ بھارتی تجزیہ نگار ترن آدرش نے ٹوئٹ کی ہے کہ فلم نے سات دنوں میں 206 کروڑ 4 لاکھ کماکراجے دیوگن کی’گول مال اگین‘کے اب تک کے بزنس 205 کروڑ کا ریکارڈ ایک جھٹکے میں توڑدیا۔ یاد رہے کہ 150 کروڑ کے بجٹ سے بنائی گئی فلم ریلیز کے صرف سات دنوں میں اپنی لاگت پوری کرچکی ہے۔
