پاکستان کی ڈرامہ، فیشن اور فلم انڈسٹری بہت تیزی سے ترقی کررہی ہے، اداکارہ و ماڈل اداکارہ وماڈل سعدیہ امام نے کہا کہ شوبز کی لڑکی کیلئے ارینج میرج کرکے نبھانا کسی چیلنج سے کم نہیں ہوتا۔میں نکاح سے پہلے عدنان حیدر کو جانتی تک نہیں تھی ، میرے والدین کی پسند بہت خوب ہے۔ والدین کی اطاعت میں ہی اولاد کی کامیابی ہوتی ہے میں عدنان کے ساتھ بہت زیادہ خوش ہوں۔ان خیالات کااظہار انہوں نے ایک ملاقات میں کیا۔انہوں نے کہا کہ عام طور پر شوبز کی زیادہ تر لڑکیاں لومیرج کرتی ہیں لیکن میرا نہ تو کوئی ایسا ارادہ تھا اور نہ ہی خواہش، انہوں نے کہا میں نے شوبز مکمل طور پر نہیں چھوڑا بلکہ عارضی طور پر اداکاری نہیں کررہی کیونکہ ڈراموں میں آرٹسٹ کو بہت زیادہ ٹائم دینا پڑتا ہے اس لئے میں نے فیصلہ کیا کہ ابھی ایکٹنگ نہیں کروں گی لیکن اپنے پرستاروں سے دور بھی نہیں رہ سکتی اس لئے میں ایک ٹی وی شو کررہی ہوں۔ سعدیہ امام نے مزید کہا کہ پاکستان کی ڈرامہ، فیشن اور فلم انڈسٹری بہت تیزی سے ترقی کررہی ہے اور اب دنیا کے جس ملک میں بھی چلے جائیں وہاں سب ہمارے فنکاروں کو جانتے ہیں۔
