اسلام آباد(مانیٹرنگ ڈیسک) پاکستان پیپلز پارٹی کے سینٹر اعتزازاحسن کا کہنا ہے کہ ان کو ابھی تک شہباز شریف کی جانب سے کوئی بھی لیگل نوٹس نہیں ملا ،اگر ان کی طرف سے کوئی نوٹس آیا تواس کو جواب دیا جائے گا۔ تفصیلات کے مطابق پاکستان پیپلزپارٹی کے سینٹر اعتزاز احسن کا کہنا ہے کہ شہباز شریف تو ہر وقت غصے میں رہتے ہیں، اگران کی طرف سے کوئی نوٹس آتا ہے تو اس کا جواب دیا جائے گا۔اعتزاز احسن نے کہا کہ شہباز شریف خود کو پانامہ کیس سے الگ سمجھتے ہیں ،انہوں نے اس کیس میں کوئی بھی بیان نہیں دیا۔انہوں نے مزید کہا کہ شہباز شریف کا خیال ہے کہ پانامہ کیس میں ان کے بھائی ،بھتیجے اور بھتیجی کا ہے ان کا اس کیس سے کوئی لینا دینا نہیں ہے۔واضح رہے وزیراعلی پنجاب شہباز شریف نے ملتان میٹرو بس منصوبے میں مبینہ کرپشن کی الزامات کے دفاع میں آج پریس کانفرنس کرتے ہوئے کہنا تھا کہ وہ نجی ٹی وی اور اعتزازحسین کو الزامات لگانے پر لیگل نوٹس بھجوائے گے۔

لاہور(ویب ڈیسک) این اے 120کے ضنمی الیکشن میں کامیابی کےلئے مریم نواز نے نوکریاں بانٹنا شروع کردیں ہیں۔ سرکاری ملازمتیں دینے کے وعدے کے بعد ناراض کارکنان راضی ہونا شروع ہوگئے۔تفصیلات کے مطابق این اے 120کی انتخابی مہم کے سلسلے میںمسلم لیگ ن کے مرکزی دفتر میں اجلاس ہوئے ہیں جہاں حکمران جماعت کے کارکنان نے بڑی تعداد میں شرکت کی۔مریم نواز مذکورہ حلقے میں انتخابی مہم کے نگران مقرر ہیں۔مریم نواز نے کارکنان سے شکایات اور مطالبات تحریری صورت میں طلب کیے تو حصول ملازمت کےلئے درخواستوں کے ڈھیر لگ گئے۔مریم نوازنے کارکنان کی ملازمت فراہم کرنے کی یقین دھانی کرائی ہے۔

لاہور ( این این آئی) عائشہ احد ملک نے کہا ہے کہ حمزہ شہباز مےرے کیسز کا سامنا کرنے کی بجائے لندن بھاگ گئے ،جو اپنے وطن مےں عےد نہ کرےں وہ ملک اور قوم کے ساتھ کےسے مخلص ہو سکتے ہے۔میڈیا کو جاری اپنے ایک بےان مےں انہوں نے کہا کہ حمزہ شہباز اور رانا ثناءاللہ کے خلاف مےری اےف آئی آر درج نہےں کی جا رہی مےری وکلاءبرادری اور سماجی تنظےموں سے حماےت کی اپےل ہے ،مےں نے ہمےشہ ظلم کے خلاف آواز بلند کی ہے ، گزشتہ سات سالوں سے عدالتوں کا دروازہ کھٹکٹا رہی ہوں اب مجھے پورا ےقےن ہے کہ عدلےہ آزاد ہے مجھے انصاف ملے گا ۔ انہوں نے کہا کہ مےر ے اوپر جھوٹے کیسز بنائے گئے جن کا حقےقت سے کوئی تعلق نہےں مےں آخری دم تک ظالموں کا مقابلہ کروں گی۔

اسلام آباد (صباح نیوز) اسلام آباد ہائی کورٹ نے الیکشن کمیشن کی جانب عمران خان کو توہین عدالت نوٹس کے معاملہ پر دلائل سننے کے بعد فیصلہ محفوظ کر لیا ہے ، جسٹس میاں گل حسن اورنگ زیب نے کہا کہ الیکشن کمیشن نے اگرتوہین عدالت کا نوٹس بھیجا ہے تو فریق کو چاہیئے کہ معافی مانگے۔ بدھ کو عدالت عالیہ کے جسٹس میاں گل حسن اورنگ زیب نے الیکشن کمیشن کی جانب عمران خان کو توہین عدالت نوٹس سے متعلق اپیل کی سماعت کی اس موقع پر عمران خان کے وکیل بابر اعوان نے عدالت کو بتایا کہ الیکشن کمیشن کی جانب سے جاری کردہ توہین عدالت کا نوٹس غیر قانونی اور غیر آئینی ہے،توہین عدالت کا نوٹس صرف ہائیکورٹ اور سپریم کورٹ کے اختیار میں ہے الیکشن کمیشن کے پاس نہیں ہے ، لہذا عدالت الیکشن کمیشن کے دس اگست کے حکم نامے کو کالعدم قرار دے ۔جس پر جسٹس میاں گل حسن اورنگ زیب نے استفسار کیا کہ الیکشن کمیشن کو کیسے توہین کی کارروائی کا اختیار نہیں ہے قانون بتائیں ، آپ صرف آئین کے مطابق عدالت کو مطمئن کریں ، اگر الیکشن کمیشن نے کسی کو توہین عدالت کا نوٹس بھیجا ہے تو فریق کو چاہیئے کہ معافی مانگے ، بعد ازاں عدالت نے دلائل سننے کے بعد فیصلہ محفوظ کر لیا۔

اسلام آباد (آئی این پی) سابق وزیراعظم میر ظفر اللہ خان جمالی نے کہا ہے کہ مشرف چاہتا تھا کہ ڈاکٹر عبدالقدیر خان کو امریکہ کے حوالے کر دیا جائے میں نے سخت اختلاف کیا، کوئی بھی جس کو ملک سے ڈی پورٹ کرنا ہو اس کو ملک کے چیف ایگزیکٹو کے دستخط کے بنا ڈی پورٹ نہیں کیا جا سکتا۔بدھ کو نجی ٹی وی کو انٹرویو دیتے ہوئے انہوں نے کہا کہ سابق صدر جنرل(ر)پرویز مشرف 2004میں یہ چاہتے تھے کہ ایٹمی سائنسدان ڈاکٹر عبدالقدیر خان کو امریکہ کے حوالے کر دیا جائے مگر میں نے ان سے اختلاف کیا اور ڈاکٹر اے کیو خان کو امریکیوں کے حوالے نہیں کرنے دیا کیونکہ وہ پاکستان کے ہیرو ہیں، انہوں نے ایٹم بم بنا کر پاکستان کی مدد کی اور دفاع کو ناقابل تسخیر بنایا، کوئی بھی جس کو ملک سے ڈیپورٹ کرنا ہو اس کو ملک کے چیف ایگزیکٹو کے دستخط کے بنا ڈیپورٹ نہیں کیا جا سکتا۔ انہوں نے کہا کہ میرے سے پہلے بھی کچھ وزرائے اعظم تھے جنہوں نے ایمل کانسی اور یوسف رمزی کو ڈی پورٹ کروا کے امریکہ کے حوالے کر دیا تھا ان کا ذکر کوئی بھی نہیں کرتا، سارے ڈاکٹر عبدالقدیر خان کے معاملے کی بات کرتے ہیں، میں ڈاکٹر عبدالقدیر خان کو امریکہ کے حوالے سے نہیں کر سکتا تھا کیونکہ وہ قوم کا اثاثہ تھے، ہیں اور ہمیشہ رہیں گے۔واضح رہے کہ میر ظفر اللہ جمالی اس سے پہلے 2010میں بھی ا س قسم کا بیان دے چکے ہیں جس کے کلپس بھی نجی ٹی وی کے پروگرام میں دکھائے گئے۔