کوئٹہ (شوبز ڈیسک)فلمی سٹار پاکیزہ خان نے کہا ہے کہ سرکاری ٹی وی مافیا کے ہاتھوں یر غمال بن چکی ہے سچ بولنے پر ہمیں سزا دی جا رہی ہے سرکاری ٹی وی میں جو لوگ ایم ڈی کا ساتھ دے کر پشتون بلوچ عوام کے ساتھ زیادتی کر رہے ہیں سرکاری ٹی وی نے مافیا کے خلاف ہر فورم پر آواز اٹھائیں گے اپنے جاری کر دہ بیان میں کہا گیا ہے کہ ہم نے اپنے ذاتی مفادات کی بجائے ان لوگوں کے مفادات کے لئے آواز بلند کی جن لوگوں کیساتھ کئی عرصے سے زیادتیاں ہو رہی ہے اور اس پر ہم کسی بھی صورت خاموش نہیں رہیں گے کیونکہ سرکاری ٹی وی کسی کی جاگیر نہیں کہ وہ اپنے پسند اور نا پسند کی بنیاد پر لو گوں کو معاوضہ دے ماضی میں اس طرح ہو تا رہامگر اب نہیں ہونے دینگے ۔مقامی فنکاروں کے معاوضہ میں معمولی اضافہ انہیں لالی پاپ دینے کے مترادف ہے اربوں روپے کے بجٹ ہونے کے باوجود بھی فنکاروں کو جو معاوضہ دیا جا تا ہے وہ فنکاروں کی صلاحیتوں اور دفن کے ساتھ کھلم کھلا مذاق ہے انہوں نے چیف جسٹس بلوچستان ہائیکورٹ اور قومی احتساب بیورو( نیب) سے اپیل کی وہ پی ٹی وی کوئٹہ مرکز میں فنکاروں کے معاوضوں اور مالی بے ضابطگیوں کی تحقیقات کر یں تاکہ فنکاروں کا مزید استحصال نہ ہو سکے۔

لندن(شوبز ڈیسک) ایک برطانوی صحافی نے بھارت میں ٹوائلٹس کی کمی اور نکاسی آب کے مسئلے پر سوال اٹھایا تو بالی ووڈ ادکار انوپم کھیر غصے میں آگ بگولہ ہو گئے اور اس معاملے کا ذمے دار الٹا برطانیہ کو ہی ٹھہرا دیا۔انوپم کھیر اکشے کمار اور دیگر فنکاروں کے ساتھ اپنی نئی فلم ٹوائلٹ: ایک پریم کتھا کی تشہیر کے لیے برطانیہ کے دورے پر تھے کہ پریس کانفرنس کے دوران ایک برطانوی صحافی نے ان سے 70 سال گزر جانے کے باوجود بھارت میں بیت الخلا کی قلت اور نکاسی آب پر سوال کیا تو انہوں نے ناراضگی کا اظہار کےا۔

کرتے ہوئے کہا کہ برطانیہ نے اپنے فوائد کے لیے بھارت میں ریلوے لائنیں تو بچھائیں لیکن 200 سال میں بھارتیوں کو نکاسی آب کا بہتر نظام نہ دے سکے۔

اس موقع پر اکشے کمار نے کہا کہ اس فلم کا مقصد بھی یہی ہے کہ بھارت میں نکاسی آب کے مسئلے پرعوامی شعور میں اضافہ کیا جائے۔ واضح رہے کہ یہ فلم اس سال 10 اگست کو ریلیز کی جانی ہے لیکن انٹرنیٹ پر اس کی پائریٹڈ کاپی پہلے ہی آ چکی ہے جس سے فلم کا بزنس کافی متاثر ہونے کا خدشہ ہے۔محتاط اندازوں کے مطابق پورے بھارت میں 60 فیصد آبادی کو رفع حاجت کے لیے مناسب بیت الخلا کی سہولت میسر نہیں جس کے باعث خواتین اور مردوں کو کھلے میدان میں جانا پڑتا ہے، کھلے ماحول میں رفع حاجت سے کئی امراض اور مسائل جنم لے رہے ہیں۔

ممبئی (شوبز ڈیسک)نامور اداکارہ کاجول نے کہا ہے کہ انہوں نے کئی بار اپنے شوہر اجے دیوگن کو اپنی حرکتوں اور بےساختہ رویے کے باعث مشکلات سے دوچار کیا جس کی وجہ سے انہیں اجے سے ڈانٹ بھی کھانی پڑی۔بالی ووڈ کے نامور اداکار اجے دیوگن اور کاجول کا شمار بھارتی فلم انڈسٹری کی خوشگوار جوڑیوں میں ہوتا ہے، دونوں گزشتہ 18 برس سے ایک ساتھ ہیں دونوں کے درمیان آج تک کبھی لڑائی جھگڑے یا علیحدگی کی خبر میڈیا پر نہیں آئی لیکن اب کاجول نے خود اپنے اور اجے کے رشتے سے متعلق اندرونی باتیں بتاکر مداحوں سمیت میڈیا کو بھی حیران کردیا۔ ایک انٹرویو کے دوران کاجول نے پہلی بار اپنے اور اجے کے ازدواجی رشتے کے درمیان آنے والے اتار چڑھا کے متعلق بات کرتے ہوئے کہا کہ میں بہت ایماندار اور منہ پھٹ خاتون ہوں، اکثر پریس کانفرنس یا تقریبات میں بنا سوچے سمجھے کچھ بھی کہہ دیتی ہوں ۔

جب کہ میرے شوہراجے دیوگن مجھ سے بالکل مختلف ہیں اور ہر بات سوچ سمجھ کر کرتے ہیں، اجے میری بےساختگی سے پریشان رہتے ہیں کیونکہ میں ہربات بنا سوچے سمجھے کہہ دیتی ہوں جس کا خمیازہ اجے کو بھگتنا پڑتا ہے ، میری حرکتوں پر اکثر اجے مجھے ڈانٹتے ہیں اور کہتے ہیں دنیا میں جینا ہے تو سوچ سمجھ کر بولاکرو تمہاری وجہ سے کئی بار میں سنگین حالات سے دوچار ہوا ہوں۔

کراچی(شوبز ڈیسک) اداکارہ ماریہ واسطی نے کہا ہے کہ ملکی سطح پر ڈرامہ انڈسٹری مستحکم ہوچکی ہے اب فلم انڈسٹری کا ری وائیول کامیابی سے جاری ہے۔ سال بھر میں چند فلمیں بمشکل بنائی جاتی تھیں اب انکی تعداد میں دن بدن اضافہ خوش آئند امر ہے۔ ان خیالات کا اظہار انہوں نے گزشتہ روز لندن روانگی سے قبل گفتگو کرتے ہوئے کیا۔انکا کہنا تھا بیرون ممالک میں شوز اورڈراموں کی ریکارڈنگ کی مصروفیات کی بناپر آنا جانا لگا رہتا ہے۔ ہمارے فنکاروں کو عالمی سطح پر مواقع مل رہے ہیں۔ ترکی سے لائیو ٹاک شو کرنے کا تجربہ خوشگوار رہا جس سے ہمارے فنکار بھی ترکی و دیگر ممالک میں متعارف ہوئے۔ انہوں نے کہا ترکی جاکر اب فلمساز اور پروڈیوسر ڈرامے اور فلمیں بنارہے ہیں ،ہمیں شوبز انڈسٹری کو مستحکم کرنے کیلئے بین الاقوامی سطح پر فلمو ں اور ڈراموں کی تشہیر کرنی ہوگی۔

فلم فیسٹیولز میں ہماری فلموں نے کئی اعزازات حاصل کئے ہیں اس سے بھی ہمیں بہت کچھ سیکھنے کا موقع ملا ہے۔

لاہور (شوبز ڈیسک)معروف ماڈل و اداکارہ آرونا رانا کا کہنا ہے کہ ہر کام میں کامیابی کیلئے محنت اور اپنی منزل پانے کیلئے جستجو کا ہونا بہت ضروری ہے اب سفارش کا زمانہ نہیں ہر میدان میں ٹیلنٹ اور معیار ی کام کو ترجیح دی جاتی ہے ۔ آرونا رانا نے خصوصی گفتگو کرتے ہوئے کہا کہ پاکستان فلم اور فیشن انڈسٹری میں جو ٹیلنٹ موجود ہے دنیا میں اسکی کسی اور ملک میں مثال نہیں ملتی صرف پاکستان فلم اور فیشن نڈسٹری میں نئے آنیوالوں کو موقع دینے کی ضرورت ہے ۔

لاہور (شوبز ڈیسک) سنیئر اداکار وہدایتکار جاوید شیخ نے کہا ہے کہ یہ فلمسازی کے لیے بہترین وقت ہے‘ بہت کوششوں کے بعد پاکستان فلم انڈسٹری نے نئے سفر کا آغاز کیا ہے ۔اپنے اےک انٹر وےو مےں جاوید شیخ کا کہنا تھا کہ اگر ہم ماضی کی غلطیوں کو دہرانے لگے تو کامیابیوں کا یہ سفر رک جائے گا۔ جاوید شیخ نے ایک سوال کے جواب میں انہوں نے کہا کہ ٹی وی ڈراموں کی کامیابی کی بڑی وجہ اچھا اسکرپٹ اور عمدہ پروڈکشن ہے، اسی طرح فلم انڈسٹری میں بھی اسی رحجان کو تقویت دینے کی ضرورت ہے ۔ ان دنوں ذاتی پروڈکشن کی فلم کا پیپرورک مکمل کیا جارہا ہے۔