تازہ تر ین

تقویٰ کی بنیاد توحید, ایمان افروز خطبہ حج

مکہ المکرمہ (ویب ڈیسک)9ذوالحجہ کو حج کے رکن اعظم وقوف عرفات کے دوران ڈاکٹر شیخ سعد بن الشتری نے خطبہ حج دیتے ہوئے کہا رسول کریم ? کواخلاق عالیہ پر فائز کیا گیا تھا لہٰذا مسلمانوں کو چاہیے کہ وہ اخلاق کے ذریعے لوگوں کو اپنا گرویدہ بنائیں۔اللہ ہمیں مستحق ممالک کی مدد کرنے کی توفیق دے۔انہوں نے اپنے خطبے کے دروان اسلام کے بنیادی عقائد کا ذکر کیا۔محاسن اسلامی کو اپنانے اور محرمات سے دور رہنے کا درس دیا تفصیلات کے مطابق عقیدہ توحید اور تقویٰ پر بات کرتے ہوئے ڈاکٹر شیخ سعد بن الشتری کا کہا تھاکہ تمام تریفیں اللہ کے لیے ہیں۔تقویٰ کی بنیاد توحید ہے۔نصیحت کرتا ہوں کہ تقویٰ اختیار کریں۔اللہ سے ڈرو جیسے اس سے ڈرنے کا حق ہے۔جو تقویٰ اختیار کرے گا اللہ اسکے لیے آسانیاں پیدا کرے گا۔توحید کا پیغام تمام انبیا? نے انسانوں تک پہنچایا۔عقیدہ رسالت پر بات کرہوئے آپ کا کہنا تھا کہ اللہ نے ہر امت میں نبی بھیجے۔اللہ نے رسول اکرم ﷺکو تمام انسانوں کی ہدایت کے لیے بھیجا۔رسول کریم ? اخلاق عالیہ پر فائز کیا گیا تھا لہٰذا مسلمانوں کو چاہیے کہ وہ اخلاق کے ذریعے لوگوں کو اپنا گرویدہ بنائیں۔قرآن کو انسانیت کے لیے ہدایت بنایا۔اسلامی محاسن کا تذکرہ کرتے ہوئے آپ کا کہنا تھا۔اسلام عدل کا درس دیتا ہے۔اسلام لغو اور فحش باتوں سے منع کرتا ہے۔اسلام والدین اور اساتذہ کو یہ حکم دیتا ہے کہ اپنی اولاد کو قرآنی تعلیمات دیں۔مالی معاملات میں خورد برد نہ کی جائے۔نبی پاک نے بھی یہی فرمایا تھا کہ ہم پر ایک دوسرے کے مالی معاملات حرام ہیں۔اسلام نے ہر قسم کے سود اور غبن کو حرام قرار دیا۔اسلام کہتا ہے کہ ذاتی معاملات کو درست رکھیں۔امانت میں خیانت شامل نہ کریں۔ایمان میں کفر شامل نہ کریں۔اللہ حد سے تجاوز کرنے والے کو پسند نہیں کرتا۔اسلام ہمیں والدین کی خدمت کا درس دیتا ہے۔اللہ کے نزدیک فضیلت کا معیار تقویٰ ہے۔اللہ کے احکامات پر عمل کرنا ہمیں اللہ کا قرب عطا کرے گا۔ اسلام ہمیں وعدے پورے کرنے کاحکم دیتا ہے۔چاہے وہ عمل سیاسی عمل ہو،ذاتی عمل ہو ،انفرادی عمل ہو،قومی عمل ہو یا بین الاقوامی ضرورت اس امر کی ہے کہ شریعت پر سختی سے کار بند ہوا جائے۔بین القوامی صورتحال پر بات کرے ہوئے آپکا کہنا تھا کہ قرآن ہمیں مستحق ممالک کی مدد کرنے کا حکم دیتا ہے۔دعا گو ہیں کہ اللہ مسجد اقصی اور فلسطینیوں کی مدد کرے۔انہوں نے خطبہ حج کو سمیٹتے ہوئے کہا جنہوں نے آپ سے دعاووں کی درخواست کی انکو بھی نہ بھلائیں۔آخیر میں آپ نے حج کے مناسک پر بھی روشنی ڈالی اور حجاج کرام کو مناسب ہدایات بھی دیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv