لاہور(خصوصی رپورٹ) آج کل جسے دیکھو سیلفی کے شوق میں مبتلاہے اور اب سیلفی کا جنون پالتو جانوروں کے بھی سر چڑھ کر بول رہا ہے ۔جی ہاں امریکہ میں ایک کمپنی نے ایسی فون اٹیچ منٹ متعارف کروا دی ہے جس کے ذریعے آپ اپنے پالتو کتوں اور بلیوں کی سیلفی لے سکیں گے ۔ایک کلپر کی طرز پر فون سے منسلک ہونیوالی اس اٹیچ منٹ میں پالتو جانوروں کیلئے ایک سنیک فکس کردی جاتی ہے اور جیسے ہی کتا یا بی مانو اپنی پسند کا کھانا دیکھنے کیلئے کلپر کی جانب رخ کرتے ہیں تومالک فورا ہی تصویر کھینچ لیتا ہے ۔سیلفی لیتے ہوئے اس کلپر کی آزمائشی ویڈیو میں دیکھا جا سکتا ہے کہ کتے اور بلیاں نہایت دلچسپ تاثرات میں کیمرے کی جانب دیکھ رہے ہیں اور طرح طرح کے انداز میں سیلفیاں بنواتے ہوئے لطف اندوز ہورہے ہیں ۔
