لاہور( اپنے سٹاف رپورٹر سے) پاکستان مسلم لیگ (ن ) نے سوشل میڈیا پر عمران خان کی طرف سے سپریم کورٹ کے سینئر ترین جج کے حوالے سے سامنے آنے والے انٹر ویو کی تحقیقات اوروضاحت کا مطالبہ کرتے ہوئے کہا ہے کہ جاوید ہاشمی کے دھرنا ون او ر اس کے بعد کے بیانات ریکارڈ کا حصہ ہیں،ایک شریف گیا ہے تو دوسرا شریف آ گیا ہے اگر یہ بھی جائے گا تیسرا اور چوتھا بھی آئے گا لیکن عمران خان صاحب آپ کی تو اپنی کوئی پروڈکشن نہیں آپ کی جماعت تو بانجھ ہے ،عمران خان آج کل بڑی بغلیں بجا رہے ہیں اور مٹھا ئیاں کھا رہے ہیں لیکن ہم واضح کرنا چاہتے ہیں کہ آپ کو یہ ہضم نہیں ہو گی اور آپ کو الٹی کرنا پڑے گی، ہماری نالائقی تھی کہ ہم 62اور63کو نہیں نکال سکے اور ہمیں کیا معلوم تھا کہ یہ 58ٹو بی بن جائے گی ،واضح کہتے ہیں کہ کوئی ادارہ ملوث نہیں لیکن افراد سے گلے شکوے ضرور ہیں ، ہم عمران خان سمیت کسی کو انتقام یا نفرت کا نشانہ نہیں بنائیں گے کیونکہ اگر ہم ایسا کریں گے تو ملک کو ریورس گیئر لگ جائے گا ۔ ان خیالات کا اظہار مسلم لیگ(ن) کے رہنما خواجہ سعد رفیق نے صوبائی وزراءرانا مشہود احمد خان ، زعیم حسین قادری اور دیگر کے ہمراہ پریس کلب میں پریس کانفرنس کرتے ہوئے کیا ۔خواجہ سعد رفیق نے کہا کہ نواز شریف کو ان کے سیاسی رفقاءاور لیگل ٹیم نے مشورہ دیا کہ اندھا اعتماد نہ کریں لیکن اس کے باوجود انہوں نے آنکھیں بند کر پاکستان کے نظام عدل پر اعتماد کیا ۔ ہمیں گاڈ فادر کہا گیا ، مافیا کہا گیا ہم نے اس پر سوال ضرور اٹھایا لیکن ہم عدالت کو متناعہ نہیں کرنا چاہتے تھے ہم نہیں چاہتے تھے کہ اس سے کوئی خلیج بڑھے ۔ انہوں نے کہا کہ حسین نواز کی تصویر لیک کا معاملہ ہوا جس پر ہم نے سوال اٹھایا تو اس کا ملبہ ہم پر ہی ڈال دیا گیا ،ہم معلوم ہو نے کے باوجود نہیں بولے تاکہ ماحول میں تلخی پیدا نہ ہو ۔ جے آئی ٹی نے جورپورٹ پیش کی ہے وہ چھ آدمی دو ماہ میں مکمل نہیں کر سکتے ہاں البتہ چھ سو آدمی ضرور کر سکتے ہیں کیا جے آئی ٹی کی رپورت جنات نے بنا ئی ۔ انہوں نے کہا کہ ہم جے آئی ٹی کا بائیکاٹ کر سکتے تھے لیکن ہم نے فیصلہ کیا کہ یہ سب سے بڑی عدالت کا حکم ہے اور اس کی حکم عدولی نہیں کرنی اور آئندہ بھی حکم عدولی نہیں ہو گی ۔ ہمیں پتہ تھاکہ ہمیں میدان خار زار میں دھکیلا جارہا ہے جہاں کانٹے بچھے ہوئے ہیں یا بچھائے ہوئے ہیں لیکن ہم اس پر چلے اور ہمارے پاﺅں لہو لہان ہوئے لیکن ہم چلتے رہے ۔ انہوںنے کہا کہ بڑا شور کیا گیا بلکہ دھاندلی کے شور سے بڑھ کر آواز تھی کہ پاکستان کو لوٹ کر کھا گئے اور جس طرح دھاندلی کا ماتم کرتے ہوئے عدالت میں گئے اورکوئی ثبوت نہیں تھا ۔انہوں نے پاناماہ پیپر کا موقع کیوںہاتھ سے جانے دینا تھا ۔ آج یہ سوال کیا جاتا ہے کہ پانچ رکنی معز ز بنچ نے کس بنیاد نا اہلیت کا فیلہ کیا ،کیا منی لانڈرنگ، کرپشن ،جائیدادوں ، عہدے کے ناجائز استعمال کے نتیجے پر فیصلہ کیا گیا ،20 کروڑ کے ملک میں کروڑوں عوام کے ووٹوں سے آنے والے ، ملک کو ایٹمی طاقت بنانے والے وزیر اعظم کو کیوں نا اہل کیا گیا اور یہ سوال صرف ہمارے ذہنوں میں ہی نہیں بلکہ ہمارے مخالفین ، مسلم لیگ کی سوچ نہ رکھنے والوںکے ذہن میں بھی ہے جو آزاد سوچ رکھتے ہیں سب کے ذہنوں میں یہ سوال ہے ، عاصمہ جہانگیر ، عابد حسن منٹو،سپریم کورٹ کے موجودہ صدر جو نواز شریف سے استعفیٰ مانگ رہے تھے، علی احمد کرد بلکہ سبھی ریٹائرڈ جج صاحبان یہ سوچ رہے ہیں اور پوچھ رہے ہیں کہ یہ کیا ہوا ۔ عدالتی فیصلے میں اثاثے کی نئی تعریف کر دی گئی ہے ، دس ہزار درہم کی تنخواہ جو ملنی تھی لیکن نہیں لی لیکن آپ کو وہ بتانا چاہیے تھا کہ وہ آپ کو مل سکتی ہے لہٰذا آ پ نا اہل ہو گئے ہیں ، آف شور کمپنی ، کرپشن کے الزامات یہ سارا کچھ کہا گیا ۔ اگر اسی طرح وزرائے اعظم کو نکالا گیا تو ملک کون چلائے گا ، اگر یہ نیا راستہ کھل گیا تو پھر کون وزیر اعظم بنے گا کیا ملک کے چیف ایگزیکٹو کے ساتھ یہ سلوک ٹھیک ہے ؟۔ پھر ہر کوئی صادق او رامین کا سوال کر ے گا ،پی سی او کے تحت حلف اٹھانے والے جج صاحبان صادق اور امین تھے آپ کس کس کی زبان روک لیںگے کیا جنہوں نے مارشل لاءکو سپورٹ کیا یا مارشل لاءلگانے والے صادق اور امین تھے ، ہماری نالائقی تھی کہ ہم 62اور63کو نہیں نکال سکے اور ہمیں کیا معلوم تھا کہ یہ 58ٹو بی بن جائے گی ، اگر ہم اسے نکالنے لگے تو پھر سوچا کہا جائے گا کہ کرپشن کو بچانے کا منصوبہ ہے ہمیں چین تو لینے دیتے نہیں۔ آئندہ اسمبلی بیٹھے گی تو 62اور 63باقیوں کے لئے لے آئیں ،کیا یہ صرف سیاستدانوں کے لئے ہونا چاہیے ،کیا طاقتور طبقات سے پوچھنے والا کوئی نہیں کیا ۔ انہوں نے کہا کہ عمران خان صاحب بغلیں نہ بجائیں مٹھائیاں نہ کھائیں آپ کو الٹی کرنی پڑے گی اور آپ کو یہ ہضم نہیں ہو گی ۔ ایک سینئر صحافی نے کہا کہ آج آپ نواز شریف کو نکالنے کا کریڈٹ لے رہے ہیں لیکن آنے والے دنوں میں آپ اس کریڈٹ سے دور بھاگیں گے لیکن یہ آپ کے پیچھے پیچھے بھاگے گا ۔ آ پ مٹھائیان کھا رہے ہیں لیکن آپ کے سارے الزامات غلط ثابت ہوئے ہیں اور اس طرح کی نا اہلی کو کون تسلیم کرتا ہے ۔ بھٹو کے عدالتی قتل کو آج تک کون تسلیم کرتا ہے ، متنازعہ فیصلے متنازعہ ہی رہیں گے ۔ یہ تاریخی دن نہیں بلکہ تاریک دن تھا ۔ اس ملک کو ہم نے بنایا ہے ہمارے بڑوں نے بنایا ہے ہمارے بڑوں نے گورے سے لڑ کر سیاسی او رجمہوری جدوجہد کر کے یہ ملک حاصل کیا ۔ لوگ فیصلہ ماننے سے انکار کرتے ہیں ، اقلیت کے فیصلے کب تک مانے جائیں گے ، چند پالیسی میکرز کب تک ملک کی قسمت سے کھیلتے رہیں گے ، ہمیں اپیل کا کوئی حق نہیں کیا نواز شریف کے لئے انصاف کا الگ قانون ہے۔ عدلیہ نے اپنی ستر سالہ تاریخ میں کبھی جے آئی ٹی نہیں بنائی ۔ ہم اپیل کہاں کریں لیکن اوپر اللہ کی عدالت اور نیچے عوام کی عدالت ہے ہم یہاں اپیل کریں گے ۔ کہا جاتا ہے کہ ہم بات نہ کریں اگر ایسا نہ کریں تو ہمارے پاس کیا راستہ ہے ۔ ہم واضح کہتے ہیں کہ اس میں کوئی ادارہ ملوث نہیں لیکن افراد سے گلے شکوے ضرور ہیں ، ہم عمران خان سمیت کسی کو انتقام یا نفرت کا نشانہ نہیں بنائیں گے کیونکہ اگر ہم ایسا کریں گے تو ملک کو ریورس گیئر لگ جائے گا ۔ ایک شریف چلا گیا تو دوسرا شریف آ گیا ہے اگر دوسرا جائے گا تو تیسر ااور پھر چوتھا آئے گا ، ہم موروثی سیاست کے حامل نہیں ہیں لیکن ہمیں اس طرح نہ دھکیلا جائے اگر شریف خاندان کے ساتھ ظلم ہوگا تو یہ خاندان آگے آتا رہے گا ۔ کہا جارہا ہے کہ اپنے بھائی شہباز شریف کو وزیر اعظم بنا رہے ہیں،بھئی وہ میرٹ پر آتے ہیں ،انہوں نے گورننس کا یونیک ماڈل متعارف کرایا ہے اور ڈلیور کیا ہے ،وہ کہنہ مشق سینئر سیاستدان ہیں وہ بڑے ایڈ منسٹریٹر ہیں اور انہیں اتفاق رائے سے لایا گیا ہے لیکن خان صاحب کے ساتھ ایسا ہو گیا تو انہیں کوئی ایسا ملے گا ان کی جماعت تو بانجھ ہے اور اس کی اپنی کوئی پروڈکشن نہیں ۔ آپ ادھر اُدھر سے پکڑ کر ، ردی ، لنڈے کے مال اور چلے ہوئے کارتوسوں سے معاملات چلا رہے ہو او رآپ کے ساتھ وہ لوگ ہیں جن کے چہرے کرپشن کی دلدل میں ڈوبے ہوئے ہیں ۔ عمران خان کہتے ہیں کہ میں نا اہل ہو گیا تو کوئی بات نہیں ، کیوں کوئی بات نہیں یہ کوئی فری سٹائل ریسلنگ نہیں ہے ۔ ابھی بھی عقل کرو آگے آپ نے ملک کا بڑا نقصان کر دیا ہے ۔ آپ کی کرسی ہمارے ٹرک پر پڑی رہے گی اور آج نہیں تو کل آپ کو ہمارے ساتھ آنا پڑے گا ، مچھلی پتھر چاٹ کر آئے گی ۔ ہمیں کہا جاتا ہے کرپٹ ہیں کیا آپ کے پاس ملائیکہ ہیں ، صادق اور امین کا تماشہ دو رتک جائے گا اورپھر سابق چیف جسٹس افتخار محمد چوہدری سے بھی سوال و جواب ہوں گے ،پھر پرویز مشرف سے بھی پوچھا جائے گا اگر یہ کھاتہ کھلا تو سمجھ آ جائے گی ۔ انہوں نے کہا کہ ہم کہاں فریاد کریں ، آج کچھ لوگوں کو بولنے کی ماد ر پدر آزدی ملی ہوئی ہے ، شیخ رشید نے الزام لگایا کہ معزز ججز کواربوں روپے دینے کی پیشکش کی گئی بتائیں کس معزز جج کو یہ پیشکش کی گئی تھی آپ کو یہ بات کس نے بتائی ہے ۔ عمران خان نے تو حد ہی کر دی ہے اور کہتے ہیں کہ مجھے سینئر ترین جج نے درخواست کی ،لاک ڈاﺅن ختم کیا اور سپریم کورٹ کے پاس گئے ،یہ بات کچھ دیر پہلے تک موجود تھی لیکن اب اسے سوشل میڈیا سے ہٹا دیا گیا ہے لیکن ریکارڈ تو موجود ہے ۔ میزبان نے کہا کہ آپ کو یہ بات ریٹائرڈ جج نے کی یا حاضر سروس جج نے تو عمران خان نے نام بھی بتا دیا ہے او رکورٹ میں چلے گئے ،کیا اس سنگین ترین انکشاف پر پر ان سے جواب طلبی نہیں بنتی ہم اس کا انتظار کریں گے ،اگر انہوں نے جھوٹ بولا ہے تو کیا وہ صادق او رامین رہ گئے ہیں جن کے بارے میں کہہ رہے ہیں میری تو نام لیتے ہوئے زبان جلتی ہے کیا عدالت انہیں بھی بلائے گی کیا عمران خان ماورائے آئین و قانون ہیں ۔ جو کچھ ہاشمی صاحب نے دھرنا ون کے دوران کہا تھا وہ ریکارڈ کا حصہ ہے اور اس کی تردید نہیں آئی عمران خان نے آج اس کی توثیق کر دی ہے؟ ۔ انہوں نے کہا کہ ہم نے مار کھائی کرب سہا لیکن ہم حدود پار نہیں کریں گے،ہم نے اداروں کے وقار پر سوالیہ نشان نہیں لگانا ۔ ہم نے فیصلے پر عملدرآمد کیا لیکن کوئی غلط بات نہیں کی لیکن کسی چیز کی حد ہوتی ہے ، عمران خان نے اتنی بڑی بات کر دی ہے ان سے جواب مانگا جائے اور مطالبہ کرتا ہوں کہ انہوں نے سینئر جج صاحب کے بارے میں جو بات کی ہے اس کی وضاحت اور جواب مانگا جائے اس کا جوڈیشل پراسس ہونا چاہیے اور قوم کے سامنے سچ آنا چاہیے ، شیخ رشید جو باتیں کر رہے ہیں اس کا بھی پوچھا جانا چاہیے ۔

اسلام آباد (خبر نگار خصوصی) وزارت عظمیٰ کے لئے مسلم لیگ (ن) کے نامزد امیدوار شاہد خاقان عباسی‘ تحریک انصاف کے نامزد امیدوار شیخ رشید احمد اور اپوزیشن لیڈر سید خورشید شاہ نے کاغذات نامزدگی حاصل کرلئے‘ خورسید شاہ نے اپوزیشن کے متفقہ امیدوار کے لئے چھ کاغذات نامزدگی حاصل کرلئے‘ وزارت عظمیٰ کے لئے تمام امیدار (آج) پیر کو اپنے کاغذات ن امزدگی قومی اسمبلی سیکرٹریٹ ممیں جمع کرائیں گے۔ تفصیلات کے مطابق مسلم لیگ (ن) کے وزارت عظمیٰ کے لئے نامزد امیدوار شاہد خاقان عباسی نے قومی اسمبلی سیکرٹریٹ سے اپنے کاغذات نامزدگی حاصل کرلئے۔ دوسری جانب تحریک انصاف کے امیدوار عوامی مسلم لیگ کے سربراہ شیخ رشید احمد نے بھی کاغذات نامزدگی حاصل کرلئے۔ ذرائع کے مطابق اپوزیشن لیڈر خورشید شاہ نے بھی کاغذات نامزدگی حاصل کئے ہیں۔ ذرائع کے مطابق خورشید شاہ نے اپوزیشن کے متفقہ امیدوار کے لئے چھ کاغذات نامزدگی حاصل کئے تمام امیدوار (آج) پیر کو اپنے کاغذات سیکرٹری قومی اسمبلی کے پاس جمع کرائیں گے۔ سپیکر قومی اسمبلی سردار ایاز صادق (آج) پیر کو ہی وزارت عظمیٰ کے لئے جمع کرائے گئے کاغذات نامزدگی کی جانچ پڑتال کریں گے اور (کل) منگل کو قومی اسمبلی کے اجلاس میں نئے وزیراعظم پاکستان کا رائے شماری کے ذریعے انتخاب کیا جائے گا۔ وزیراعظم کے انتخاب کےلئے قومی اسمبلی کا اجلاس کل(منگل )ہوگا ، اجلاس کے بارے میں باضابطہ طور پر اعلامیہ بھی جاری ہوچکا ہے، اجلاس یکم اگست 2017 بروز منگل 3 بجے سپیکر سردار ایاز صادق کی صدارت میں ہوگا اور قومی اسمبلی میں نئے قائد ایوان کا انتخاب ہو گا۔ سپیکر قومی اسمبلی وزارت عظمیٰ کے امیدواروں کے بارے میں باضابطہ طور پر اراکین قومی اسمبلی کو آگاہ کریں گے اور ان کو وزیراعظم کے انتخاب کے طریقہ کار سے بھی آگا ہ کیا جائے گا ۔سپیکر کے اعلان کے بعد قائد ایوان کے انتخاب کا عمل شروع ہو جائے گا اور ڈویژن کی بنیاد پر وزیراعظم کا انتخاب ہوگا۔ مسلم لیگ(ن) کے نامزدوزیراعظم شاہدخاقان عباسی نے سیاسی جماعتوں سے رابطے شروع کر دیئے۔ شاہدخاقان عباسی نے عوامی نیشنل پارٹی کے رہنماحاجی غلام احمد بلورکوٹیلی فون کیا اور وزارت عظمیٰ کےلئے حمایت کی درخواست کی۔نئے وزیر اعظم کے انتخاب کےلئے مسلم لیگ (ن )نے ایم کیو ایم پاکستان سے بھی رابطہ کیا ہے اور وزارت عظمیٰ کے امیدوارکی حمایت کی درخواست کی ۔نجی ٹی وی کے مطابق نئے وزیر اعظم کے انتخاب کےلئے مسلم لیگ (ن )نے ایم کیو ایم پاکستان سے بھی رابطہ کیا ہے ¾ وزارت عظمیٰ کے امیدوارکی حمایت کی درخواست کی ۔ذرائع کے مطابق ایم کیو ایم نے جواب دیا ہے کہ اگر وزیراعظم کا امیدوار خود بات کرنے آئےگاتو بات کریں گے۔ عبوری وزیراعظم کے انتخاب کے موقع پر مسلم لیگ ن کے تمام ممبران قومی اسمبلی کو اسلام آباد طلب کر لیا گیا ہے۔ صدر پاکستان کی جانب سے یکم اگست کو قومی اسمبلی کا اجلاس بلائے جانے پر مسلم لیگ ن کی قیادت نے تمام ایم این ایز کو بذریعہ فون اطلاع دینا شروع کر دی ہے کہ وہ یکم اگست کے اجلاس میں اپنی حاضری کو 100فیصد یقینی بنائیں اور اپنی تمام تر مصروفیات ترک کرکے اس دن ہونے والے اہم اجلاس میں شرکت کے ساتھ ساتھ سابق وزیراعظم میاں محمد نوازشریف کی جانب سے نامزد عبوری وزیراعظم شاہد خاقان عباسی کی کامیابی کیلئے انکا ووٹ دینا بہت ضروری ہے۔لیگی ذرائع کے مطابق قومی اسمبلی کے اجلاس سے قبل مسلم لیگ ہاﺅس میں ارا کین کے ساتھ خصوصی میٹنگ بھی ہو گی۔ پارلیمنٹ کے ایوان زیریں یعنی قومی اسمبلی کے قواعد و ضوابط کے مطابق وزیراعظم کے انتخاب کے انعقاد سے ایک دن قبل کاغذات نامزدگی امیدوار یا اس کے تجویز کنندہ یا تائید کنندہ کی جانب سے سیکریٹری قومی اسمبلی کے سپرد کردیا جائے گا۔ امیدوار کے کاغذات کی جانچ پڑتال کے بعد ملکی آئین کے قوائد 32 اور33 کے تحت اجلاس میں نئے قائد ایوان کا انتخاب عمل میں لایا جائے گا۔قومی اسمبلی میں ڈویژن یعنی تقسیم کی بنیاد پر ووٹنگ کا عمل ہوگا۔ اس طریقہ کار کے تحت قومی اسمبلی میں دو لابیوں کو ووٹنگ کے لیے مخصوص کیا جائے گا۔ اراکین اپنے اپنے امیدوار کے حق میں ووٹنگ کی غرض سے دو مختلف لابیوں میں جائیں گے جہاں قومی اسمبلی سیکرٹریٹ کا عملہ ارکان کے ناموں کا اندراج کرے گا۔ووٹنگ کا عمل مکمل ہونے کے بعد گنتی کی جائے گی جس کے بعد اسپیکر قومی اسمبلی کی جانب سے سب سے زیادہ ووٹ حاصل کرنے والے امیدوار کا نام اور حاصل کردہ ووٹوں کی تعداد کا اعلان کیا جائے گا جو ممبر سب سے زیادہ ووٹ لے گا وہی قائد ایوان اور ملک کا آئندہ وزیراعظم کہلائے گا۔ نو منتخب وزیر اعظم ایوان صدر جاکر اپنے عہدے کا حلف اٹھائیں گے اور ایوان سے اعتماد کا ووٹ لیں گے۔

اسلام آباد(آن لائن)وزیراعظم کے عہدہ کے لیے شہباز شریف کی نامزدگی پرمسلم لیگ ن میں ٹوٹ پھوٹ اور فارورڈ بلاک بننے کے امکانات ہیں۔ اسحاق ڈار،عابد شیر علی سمیت دیگر متعدد وزرا نے وزارتیں نہ لینے کا فیصلہ کر لیا ہے ۔چوہدری نثار علی خان نے شہباز شریف کو وزیر اعظم کے عہدہ کے لیے نامزد کرانے کے بعد اپنے سیاسی اور پارٹی مخالفین کو چت کر دیا ۔شہباز کے ذریعے سولو فلائٹ کی ایما پر خوشامدیوں کی کھلی چھٹی کرائے جانے کا امکان پیدا ہو گیا ہے ۔معتبر ذرائع سے معلوم ہوا ہے کہ چوہدری نثار علی خان سے وزیر اعلی پنجاب شہباز شریف نے نثار کو وزیراعظم بنانے کے لیے مدد طلب کی تھی اور دونوں رہنماﺅںنے ایک دوسرے کے ساتھ وعدے کیے کہ پارٹی کو حواریوں اور خوشامدیوں سے پاک کیا جائے گا۔شہباز شریف نے چوہدری نثار علی خان سے وعدہ کیا تھا کہ انہیں انکی حیثیت سے مطابق باعزت عہدہ اور وزارت دی جائیگی۔ذرائع کا کہنا ہے کہ چوہدری نثار علی خان نے وزیر خارجہ کے لیے خواہش کا اظہار کیا تھاجس پر شہباز شریف نے کہا کہ انکی سوچ سے بھی زیادہ مقام دیں گے ۔دوسر ی جانب پارٹی کے متعدد سینئر وزیر خواجہ آصف ،خواجہ سعد رفیق ،عابد شیر علی،اسحاق ڈار سمیت دیگر کو شہباز شریف نے ابتدائی طور پر وزارتوں سے فارغ کرنے کی ٹھان لی ہے ،پارٹی کو متحد رکھنے اور فارورڈ بلاک نہ بننے دینے کے حوالے سے چوہدری نثار علی خان نے شہباز شریف کو یقین دہانی کرائی ہے ۔ ایک ماہ پندرہ دن کے وزیراعظم کے لیے نئی کابینہ کی تشکیل مسئلہ بن گئی، وزیر داخلہ ، خزانہ، ریلوے، سمیت متعدد وزیر شاہد خاقان عباسی کی زیر قیادت کام کرنے کو تیار نہیں ہیں۔شہباز شریف نے بھی کابینہ میں اکھاڑ بچھاڑ کا عندیہ دیدیا ہے ۔معلوم ہوا ہے کہ نئے وزیراعظم شاہد خاقان عباسی نے شہباز شریف سے کہا ہے کہ کابینہ میں اکھاڑ بچھاڑ کے حوالے سے وہ اپنا کردار ادا کریں ،کیونکہ انہیں محسوس ہو رہا ہے کہ چند وزرا انکے ساتھ کام کرنے کو تیار نہیں ہیں۔شاہد خاقان عباسی نے وزارت داخلہ ،اور وزارت خزانہ کے حوالے سے کہا کہ بظاہر تو کسی دوست نے کوئی وزارت کا قلمدان نہ لینے کے حوالے سے نہیں کہا ہے مگر حلف کے وقت انکی دوری سامنے آ سکتی ہے ۔شہباز شریف کے ذرائع کا کہنا ہے کہ پارٹی کو متحد کرنے اور سینئر وزرا کو ساتھ لیکر چلنا ان کے لیے بھی ایک چیلنج ہے۔

اسلام آباد(آئی این پی )نامزد وزیراعظم شاہد خاقان عباسی نے کہا ہے کہ وہ اپنے انتخاب کےلئے تمام سیاسی جماعتوں سے رابطے کریں گے،سبکدوش وزیراعظم محمد نوازشریف کی نااہلی کے عدالتی فیصلے کو پاکستان کے عوام نے قبول کیا ہے عالمی سطح اورنہ تاریخ اسے قبول کرے گی ، وقت آنے پر پاکستان کے بہادر ترین شخص سے قوم کو آگاہ کروں گا ،ایک نہیں دس ریفرنس لے آئیں کسی ریفرنس سے نہیں ڈرتا، بہتان تراشی کرنے والے سزا بھگتنے کےلئے بھی تیار رہیں ،ملک میں کسی قوت ، ادارے اور طبقہ کو تعلقات کے حوالے سے فریقین کے طور پر پیش نہ کیا جائے ، تعلقات کے حوالے سے پاکستان میں کسی کو فریقین کے طور پر پیش نہ کیا جائے ، سب پاکستان کے شہری ہیں ، سب ملک کےلئے کام کرتے ہیں ۔ ان خیالات کا اظہار انہوں نے پاکستان مسلم لیگ (ن) کی اتحادی جماعت جمعیت علمائے اسلام (ف) کے سربراہ مولانا فضل الرحمان سے ملاقات کے بعد میڈیا سے بات چیت کرتے ہوئے کیا ۔اتوار کو عبوری نامزد وزیراعظم نے رکن قومی اسمبلی جنید چوہدری کے ہمراہ مولانا فضل الرحمان سے وزراءکالونی میں ان کی اقامت گاہ پر ملاقات کی ۔ مولانا فضل الرحمان نے وزارت عظمیٰ کا ووٹ شاہد خاقان عباسی کو دینے کے باضابطہ اعلان کےلئے پیر کو (آج) پارلیمانی پارٹی کا اجلاس طلب کر لیا ہے ۔ شاہد خاقان عباسی نے کہا کہ مجھے پاکستان مسلم لیگ (ن) نے وزیراعظم کےلئے نامزد کیا ہے ، میرا فرض ہے کہ تمام سیاسی جماعتوں اور اراکین قومی اسمبلی سے رابطے کروں اسی سلسلے میں مولانا فضل الرحمان کے پاس آیا ہوں یہ ہماری اتحادی جماعت ہیں اور باقاعدہ طور پر ان سے حمایت مانگی ہے ۔ میں مولانا صاحب کا مشکور ہوں کہ ماضی کی طرح وہ اب بھی ملک وقوم کی بہتری اور میاں محمد نوازشریف کی پالیسیوں کو آگے بڑھانے کےلئے ہمارے ساتھ تعاون کریں گے اور اسی جذبے کےساتھ ہمیں ان کی معاونت حاصل رہے گی ۔ مولانا فضل الرحمان نے کہا کہ نئے مستقبل کے حوالے سے فیصلے ہو رہے ہیں ۔انہوں نے کہا کہ قیادت کی ذمہ داری ہوتی ہے کہ وہ ملک میں کوئی سیاسی بحران پیدا نہ ہونے دیں ۔ پارلیمانی پارٹی کا اجلاس طلب کر لیا ہے تا کہ اس بارے میں باقاعدہ طور پر فیصلہ کیا جا سکے ۔ ایک سوال کے جواب میں نامزد وزیراعظم شاہد خاقان عباسی نے کہا کہ نوازشریف کی نااہلی سے متعلق عدالتی فیصلے پر من وعن عمل درآمد کر دیا ہے مگر اس عدالتی فیصلے کو نہ پاکستان کے عوام نے قبول کیا ہے نہ عالمی سطح پر اور نہ تاریخ اسے قبول کرے گی ۔ایک سوال کے جواب میں انہوں نے کہا کہ کوئی ان کے خلاف ایک نہیں دس ریفرنسز لے آئے کسی ریفرنس سے نہیں ڈرتا ، 30سال سے سیاست میں ہوں ، ہر الیکشن میں حلقے کے عوام نے پہلے سے زیادہ اعتماد کا اظہار کیا ہے ، میرے تمام اثاثے گزٹ آف پاکستان میں شائع ہو چکے ہیں اس کے علاوہ میرے کوئی اثاثے نہیں ہیں ، الزامات لگانے والے اپنے گریبان میں جھانکیں اور اپنی بہتان تراشی کے حوالے سے سزا بھگتنے کےلئے بھی تیار رہیں ۔ ایک سوال کے جواب میں انہوں نے کہا کہ کابینہ کے بارے میں ابھی کوئی فیصلہ نہیں ہوا مشاورت ہورہی ہے ، چوہدری نثار علی خان پہلے بھی پارٹی کےلئے اہم تھے ، اب بھی اہم ہیں اور ہمیشہ اہم رہیں گے اس معاملے پر مزید بات کرنے کی ضرورت نہیں ہے ، اعجازالحق سے میری 48سالوں سے دوستی ہے اور انہوں نے تجویز کنندہ بننے کی خواہش ظاہر کی ہے ۔ شاہد خاقان عباسی نے کہا کہ غیر ملکی اقامہ غیر قانونی نہیں ہے اس معاملے پر ہر کوئی قوانین کی اپنی اپنی تشریح کر رہا ہے ، عدالت ہی بہتر فیصلہ کرسکتی ہے تاہم اقامہ کو رہائشی ویزہ کی حیثیت حاصل ہوتی ہے اور اقامہ کی بنیاد پر کسی کو نااہل قرارنہیں دیا جا سکتا ۔ اپنے خلاف نیب کی کسی کاروائی سے آگاہ نہیں ہوں ۔سول ملٹری تعلقات کے بارے میںسوال کے جواب میں انہوں نے کہا کہ میں تو وزیرپیٹرولیم تھا اب وزیراعظم کے عہدے کےلئے نامزد ہوا ہوں اور یہ وزیراعظم کی سطح کی باتیں ہیں تاہم ایک بات واضح کردینا چاہتا ہوں کہ تعلقات کے حوالے سے پاکستان میں کسی کو فریقین کے طور پر پیش نہ کیا جائے ، سب پاکستان کے شہری ہیں ، سب ملک کےلئے کام کرتے ہیں ، پاکستان کے بہادر ترین شخص کا نام وقت پر بتا دوں گا ۔

لاہور(اپنے سٹاف رپورٹر سے) وزیر اعلی پنجاب محمد شہباز شریف نے کہا ہے کہ مسلم لیگ (ن) نے عوامی خدمت کی مثال قائم کی ہے ۔ نواز شریف عوام کے دلوں میں بستے ہیں ۔ ان کی خدمات ناقابل فراموش ہیں جن پر ہمیں فخر ہے-مسلم لیگ(ن) کے دور میں پاکستان کو اقتصادی دیوالیہ پن سے نکال کر ترقی کی شاہراہ پر گامزن کیا گیاہے -مسلم لیگ (ن) نے پاکستان کا مستقبل روشن کرنے کیلئے دن رات ایک کیا ہوا ہے -انہوںنے کہا کہ سیاست کو کھیل تماشا سمجھ کر شعبدہ بازیوں سے عوام کو دھوکہ دینے والے ناکامی کا منہ دیکھیں گے اورجو سیاسی عناصر ملک میں ابتری چاہتے ہیں ان کے عزائم کبھی کامیاب نہیں ہوں گے-انہوںنے کہا کہ محمد نواز شریف کا دور پاکستان کا سنہری دور ہے – چار برس کے دوران ترقیاتی منصوبوں سے فلاح عامہ کے مشن کو آگے بڑھایا گیا ہے -انہوں نے کہا کہ مسلم لیگ (ن) کی حکومت جنوبی پنجاب کے عوام کی ترقی اورخوشحالی کےلئے ہر طرح کے وسائل فراہم کرتی رہے گی۔انہوںنے کہاکہ عوام کی بے لوث خدمت ہی مسلم لےگ(ن) کی حکومت کا شعار ہے اورگزشتہ چار برس کے دوران رکاوٹوں کے باوجود فلاح عامہ کے منصوبوں کوشفافےت اوررفتار کے ساتھ مکمل کےاگےا ہے۔ محمد نوازشرےف کے دورمےں پاکستان نے بے مثال ترقی کی ہے اور ہمارے مخالفےن کو ملک کی تےزرفتار ترقی کھٹکتی ہے ۔ انہوںنے کہا کہ ہمارا جےنا مرنا عوام کےساتھ ہے اور پاکستان کو آگے بڑھنے سے روکنے کی کوئی کوشش کامےاب نہےں ہوگی ۔پاکستان کی ترقی مےں رکاوٹےں ڈالنے والے ملک وقوم کے خےر خواہ نہےں۔ عوامی خدمت سے عاری سیاستدان صرف ملک وقوم کا وقت ضائع کررہے ہیں۔ دریں اثناء وزیر اعلیٰ پنجاب نے حسن ابدال کے قریب حادثہ میں قیمتی جانوں کے ضیاع پر افسوس کا اظہار کیا ہے۔وزیر اعلیٰ نے جاں بحق افراد کے لواحقین سے اظہار تعزیت کیا انہوںنے انتظامیہ کو ہدایت کی ہے کہ زخمی ہونے والے افراد کو علاج معالجے کی بہترین سہولتیں فراہم کی جائیں۔ انہوںنے حادثے کے بارے میں رپورٹ طلب کر لی ہے۔

لاہور (خصوصی رپورٹ) حلقہ این اے 120سے تحریک انصاف کی امیدوار ڈاکٹر یاسمین راشد نے کہا ہے کہ شہباز شریف کو مشورہ ہے کہ ایک کی بجائے زیادہ حلقوں سے انتخاب لڑیں کیونکہ آپ کےلئے کامیابی کا کوئی چانس نہیں ، نواز شریف چار سالوں میں ایک بار بھی اپنے انتخابی حلقے میں نہیں آئے ، شہباز شریف ہیٹ اور بوٹ پہن کر سیوریج کے پانی میں ڈوبے حلقے میں ووٹ مانگنے کےلئے نکلیں ۔ یوم تشکر کی تقریب میں کارکنوں کے ہمراہ اسلام آباد روانگی سے قبل میڈیا سے گفتگو کرتے ہوئے انہوں نے کہا کہ پی ٹی آئی کے کارکن اور حلقے کے عوام بہت پرجوش ہیں اور وہ این اے 120سے پی ٹی آئی کے امیدوار کے نام کا اعلان ہوتے ہی انتخابی مہم شروع کرنے کے لئے بیتاب ہیں۔ اس حلقے میں پیسے والے لوگ نہیں جنون والے لوگ ہیں جو (ن) لگ کو چھوڑ کر پی ٹی آئی میں شامل ہو رہے ہیں ۔ ہم حکومتی مشینری او راس کی دھونس دھاندلی کا ڈٹ کر مقابلہ کریں گے اور کامیابی حاصل کریں گے۔ ڈاکٹر یاسمین راشد نے کہا کہ نواز شریف نے چار سالوں میں ایک بار بھی این اے 120کا دورہ نہیں کیا اور حلقے کی حالت سب کے سامنے ہے ۔ شہباز شریف ہیٹ اور بوٹ پہن کر ووٹ مانگنے نکلیں گے تو انہیں لگ پتہ جائے گا ۔ شہباز شریف کو مشورہ ہے کہ وہ ایک حلقے کی بجائے زیادہ حلقوں سے لڑیں کیونکہ اب آپ کے لئے کامیابی کا کوئی چانس نہیں۔

اسلام آباد (خصوصی رپورٹ) نئے آنیوالے وزیر اعظم شہباز شریف کے لیے وزیراعظم ہاﺅس میں تہمینہ دورانی کو بطور خاتون اول رکھنے کے حوالے سے مریم نواز،بیگم کلثوم نواز دو ٹوک مخالفت کر دی ہے ۔حمزہ شہباز نے بھی انا کا مسئلہ بناتے ہوئے اپنی سوتیلی والدہ تہمینہ کو ہی وزیر اعظم ہاﺅس لانے اور خاتون اول بنانے پر بضد ہو گئے ہیں۔مسلم لیگ ن کے ذرائع سے معلوم ہوا ہے کہ شریف برادران کے درمیان گزشتہ شب سے خاتون اول کے حوالے سے کافی بحث کی جارہی ہے ،بیگم کلثوم نواز نے اپنی بیٹی مریم کے مشورہ پر میاں محمد نواز شریف کو دوٹوک الفاظ میںکہ دیا ہے کہ وہ اپنی دیوارانی تہمینہ کو بطور خاتون اول برداشت نہیں کر سکتی ہیں ،لہذا شہباز شریف سے کہ دیا جائے کہ وزیراعظم منتخب ہونے کے بعد وہ کسی صورت تہمینہ دورانی کو وزیراعظم ہاﺅس نہ لائیں ۔حمزہ شہباز نے اپنے والدہ سے وعدہ کر لیا ہے کہ وزیر اعظم ہاﺅس میں بطور خاتون اول ہی قیام کریں گی،حمزہ کا کہنا ہے کہ فیملی کے اندر ہم کسی صورت برداشت نہیں کر سکیں گے کہ ہمیں ڈکٹیٹ کیا جائے۔