احمد پور شرقیہ (نامہ نگار) سانحہ آئل ٹینکر احمد پور شرقیہ میں اب تک ہلاک ہونے والوں کی تعداد 182 جبکہ زخمیوں کی تعداد تحصیل ہیڈ کوارٹر کے مطابق 162 افراد ہے۔ اسی طرح 125 افراد کی لاشوں کے ورثا کے ڈی این ا ے ٹیسٹ ہو چکے ہیں۔ رپورٹ کے بعد لاشیں ان کے حوالے کی جائےںگیں۔ اسی طرح 85 زخمی مختلف ہسپتالوں میں زیر علاج ہیں علاوہ ازیں 22افراد اس وقت تک لاپتہ ہیں۔ لاپتہ ہونے والے افراد کا نام بستی کھوکھراں محمد صدیق بیٹا لاپتہ، جمعہ خان بیٹا لاپتہ، سعید احمد 2افراد لاپتہ، منیر حمید لاپتہ، نصیر کھوکھر ایک بیٹا لاپتہ، بستی نذیر آباد عبدالستار شاہ 2 بیٹے لاپتہ، رمضان شاہ ایک بیٹا لاپتہ، کٹووالا کھو بستی کی رہائشی پروین اختر کا شوہر لاپتہ، وزیراحمد بستی لاڑ ایک بھائی لاپتہ، غلام حیدر بستی کبیر والا بیٹا ایک لاپتہ، محمد عمران کبیر والا بیٹے 2لاپتہ، صادق حسین کبیر آباد 2 بیٹے لاپتہ، گلزار احمد بیٹا ایک لاپتہ، محمد اصغر بھائی لاپتہ، اسی طرح اس وقت تک 13 عدد چیک 20, 20 لاکھ روپے کے وزیراعظم میاں نواز شریف نے دئیے جبکہ 28 افراد کو 20, 20 لاکھ روپے کے چیک دئیے گئے جبکہ 14 زخمیوں کو 10,10 لاکھ روپے کے اب تک چیک تقسیم کئے گئے ہیں۔ اب تک67 چیک تقسیم کئے گئے ہیں یہ تمام چیک صوبائی حکومت کی طرف سے دئیے گئے ہیں۔ ڈی سی آفس سے معلومات کے تحت 10, 10 لاکھ روپے کے 23 چیک جو کہ زخمیوں کے لئے بنائے گئے تھے وہ چیک اب واپس کر دئیے گئے ہیں کیونکہ یہ ا فراد اب وفات پا چکے ہیں لہٰذا اب یہ چیک دوبارہ 20, 20 لاکھ روپے کے بنائے جائیں گے۔

لاہور (اپنے سٹاف رپورٹر سے) عوامی مسلم لیگ کے سربراہ شیخ رشید نے کہا ہے کہ مریم نواز قوم کی بیٹی ہے ، جے آئی ٹی میں پیش نہیں ہونا چاہئے ، نواز شریف اسمبلی توڑ سکتے ہیں یا کسی ڈھیلے ڈھالے آدمی کو وزیر اعظم نامزد کر دیں‘جے آئی ٹی سوالنامہ بھیج دے،نواز شریف کے خلاف فیصلہ آیا تو ن لیگ کے 25سے 30ارکان اسمبلی پارٹی چھوڑ دیں گے ‘ جمشید دستی کے ساتھ جو کچھ ہوا حکمرانوں کے ساتھ بھی ایسا ہو گا، اس جیسا کوئی سیاسی کارکن نہیں ،مےں پہلے سے عمران خان کے ساتھ ہوں ، ابھی ابر آلود گھٹائیں ہیں ، دو ماہ بہت اہم ہیں ، پی ٹی آئی میں شامل ہونے کا فیصلہ وقت آنے پر ہو گا‘ عمران خان کو چھوٹی پارٹیوں سے اتحاد کرنا چاہئے ، پیپلز پارٹی کی اصل پہچان آصف زرداری ہے ‘ آصف زرداری ساتھیوں پر بھروسہ نہیں کرتے۔ اپنے اےک انٹروےو مےں شےخ رشےد احمد نے کہا کہ نواز شریف اسمبلی توڑ سکتے ہیں یا کسی ڈھیلے ڈھالے آدمی کو وزیر اعظم نامزد کر دیں ۔ انہوں نے کہا کہ جمشید دستی کے ساتھ جو کچھ ہوا حکمرانوں کے ساتھ بھی ایسا ہو گا، اس جیسا کوئی سیاسی کارکن نہیں ، جمشید دستی پوری دنیا کے سامنے رو پڑا۔ انہوں نے کہا کہ عبدالمجید اچکزئی نے پولیس اہلکار کو روند ڈالا، اس کا کیس فوجی عدالت میں چلایا جائے ۔ انہوں نے کہا کہ الیکشن کے لئے اتحاد کا فیصلہ پی ٹی آئی نے کرنا ہے ، کرپٹ لوگ کہہ رہے ہیں نظریہ پاکستان کو خطرہ ہے ، نظریہ پاکستان ہمارے سینوں میں ہے ۔ انہوں نے کہا کہ اس وقت ن لیگ میں تین گروپ ہیں چوہدری نثار، اسحاق ڈار اور شہباز شریف گروپ۔ چوہدری نثار ، شہباز شریف اکٹھے ہیں ۔ انہوں نے کہا کہ نواز شریف اسحاق ڈار کی وجہ سے جیل جائیں گے ، ڈان میں خبر فرشتوں نے نہیں لگائی ، اندر سے آئی تھی ، حکمرانوں نے اپنے باپ کا بھی ٹرائل کرا دیا ، تین اہم بندوں کو نچوڑیں تو سب کچھ اگل دیں گے ، ان میں سے دو سیف الرحمن اور شیخ سعید ہیں۔ انہوں نے کہا کہ نواز شریف عہدہ چھوڑ دیتے تو شائد انہیں راستہ دے دیا جاتا ۔ فوج کا پاناما کیس میں کوئی عمل دخل نہیں ہے ، نواز شریف ،شہباز شریف کو استعمال کر رہے ہیں ، نواز شریف کے ریکارڈ میں شہباز شریف چوہدری نثار اور اسحاق ڈار مشکوک ہیں ، چوہدری نثار پارٹی نہیں چھوڑیں گے ، البتہ ن لیگ کے کم از کم 25 سے 30 ایم این اے تیار بیٹھے ہیں۔انہوں نے کہا کہ میں پہلے سے عمران خان کے ساتھ ہوں ، ابھی ابر آلود گھٹائیں ہیں ، دو ماہ بہت اہم ہیں ، پی ٹی آئی میں شامل ہونے کا فیصلہ وقت آنے پر ہو گا ۔ عمران خان کو چھوٹی پارٹیوں سے اتحاد کرنا چاہئے ، پیپلز پارٹی کی اصل پہچان آصف زرداری ہے ۔ آصف زرداری ساتھیوں پر بھروسہ نہیں کرتے۔

اسلام آباد (خصوصی رپورٹ) فیڈرل بورڈ آف ریونیو کی جانب سے پانامہ جے آئی ٹی کو شریف خاندان کے بارے میں بھیجی جانے والی رپورٹ میں گزشتہ برسوں کے انکم ٹیکس گوشوارے اور ویلتھ اسٹیٹمنٹس جمع نہ کرائے جانے کا انکشاف ہوا ہے۔ مشترکہ تحقیقاتی ٹیم کے لئے شریفک خاندان کے ٹیکس گوشواروں اور ویلتھ اسٹیٹمنٹس کی تفصیلات پر مبنی رپورٹس کی کاپیاں حاصل کرلی ہیں۔ اس ضمن میں دستاویز کے مطابق ریجنل ٹیکس آفس ٹو لاہور کے چیف کمشنر خواجہ عدنان ظہر کی جانب سے وزیراعظم میاں نوازشریف‘ وزیراعلیٰ پنجاب میاں شہبازشریف‘ وزیراعظم نوازشریف کی صاحبزادی اور وزیرخزانہ اسحاق ڈار کی بہو اسما ڈار کے ٹیکس گوشواروں کی تفصیلات میں بتایا گیا ہے کہ وزیراعلیٰ پنجاب میاں شہبازشریف کی جانب سے 1983ءسے لے کر 2007ءتک ٹیکس گوشوارے و ویلتھ اسٹیٹمنٹ ہی جمع نہیں کروائے گئے کیونکہ اس وقت ویلتھ اسٹیٹمنٹ جمع کرانا لازم نہیں تھا۔ وزیر خزانہ اسحاق ڈار کے صاحبزادے علی ڈار کی بیوی اور وزیراعظم میاں نوازشریف کی صاحبزادی اسما ڈار کی ٹیکس تفصیلات کے متعلق ایف بی آ کے پاس کوئی پرانا ریکارڈ موجود نہیں ہے۔ تیس جون 1995ءکو ختم ہونے والے سال کا وزیراعظم میاںنوازشریف کی ویلتھ اسٹیٹمنٹ کا ریکارڈ دستیاب نہیں ہے تاہم اس بارے میں فیڈرل بورڈ آف ریونیو کے سینئر افسر نے نام ظاہر نہ کرنے کی شرط پر بتایا کہ جو ریکارڈ فراہم کیا جارہا ہے یہ دباﺅ کی وجہ سے بڑی مشکل سے فیلڈ فارمشنز کی جانب سے اکٹھا کروا کر دیا جارہا ہے کیونکہ ٹیکس قانون کے مطابق جو ٹیکس دہندگان باقاعدگی سے ٹیکس گوشوارے جمع کروا رہے ہیں ان کا پانچ سال سے زیادہ پرانا ریکارڈ نہیںرکھا جاتا۔

اسلام آباد (آن لائن) حکومت کے انتہائی معتبر ذرائع کا کہنا ہے کہ وزیر اعظم میاں محمد نواز شریف اور انکی پوری ٹیم محترمہ مریم نواز کی جے آئی ٹی پیشی پر بہت پریشان ہیں اور انہیں یقین ہو گیا ہے کہ پارٹی قیادت کے لیے ایک بھی فرد کا بچنا مشکل ہے ،ذرائع کا کہنا ہے کہ جے آئی ٹی کے اجلاس کے موقع پر حکومت ہلہ گلہ کر کے سبوتاژ کرنے کی روش اختیار کرے تاہم اس سلسلہ میں حکومت کے اپنے رفقا کے ساتھ مشورے جاری ہیں ۔حکومت چونکہ شہادت چاہتی ہے اور وہ انتہائی سنجیدگی کے ساتھ سوچ بچار کر رہی ہے کہ مریم نواز کے ؛پیشی سے قبل ہی کوئی ہنگامہ برپا کر دے ،ذرائع کا کہنا ہے کہ حکومت ابھی تک کسی حتمی لحہ عمل تک نہیں پہنچ سکی ہے تاہم ابھی پہلو کو ہر مشاورتی اجلاس میں ایجنڈے کے فرسٹ پر رکھا جا رہا ہے۔

لاہور (خصوصی رپورٹ)شہر بھر کی مارکیٹوں میں سرکاری نرخ نامے غائب، دکانداروں کی من مانیاں، سبزیوں و پھلوں کے نرخ آسمان کو چھونے لگے۔ عیدگزرنے کے دو روز بعد بھی سرکاری نرخ نامے دکانداروں کو نہ پہنچائے جاسکے جس کے پیش نظر دکانداروں نے شہریوں کو مہنگے دام سبزیاں و پھل سمیت دیگر اشیاءفروخت کرنے کا سلسلہ جاری رکھا ہوا ہے۔ لاہور کی مختلف مارکیٹوں میں بینگن 40روپے، گوبھی 60، کالی توری 40، کریلے 80، ٹماٹر 40، گھیا 40، شملہ مرچ 80، آلو 40، جبکہ پھلوں میں آم 150، آلو بخارا 200، خوبانی 200، آڑو 150، سیب 300، انکور200 روپے فی کلو فروخت کیا گیا، دکانداروں نے بتایا کہ سرکاری طور پر نرخ نامہ موصول نہیں ہوا۔ دوسری جانب مرغی کا گوشت 250 سے 280 روپے فی کلو فروخت کیا گیا۔شہریوں نے شکوہ کیا ہے کہ اتنے اونچے ادا سے فروخت جاری ہے لیکن کسی بھی حکومتی ادارے یا نمائندے نے نوٹس نہیں لیا۔

لاہور (کرائم رپورٹر)ہنجروال کے علاقہ میں طعنہ دینے پر بھائی نے غیرت کے نام پر بہن کو سر میں اینٹ مار کر قتل کردیا پولیس نے ملزم کو گرفتارلرلیا۔ باغبانپورہ میں بوسیدہ مکان کی چھت گرنے سے 3بچوں کی ماں جاں بحق بیٹی شدید زخمی۔ جبکہ گلبرگ میں سود خوروں کے ہاتھوں تنگ آکر خودکشی کرنے والے نوجوان کو سینکڑوں سوگواروں کی آہوں سسکیوں میں سپرد خاک کردگیا جنازہ اٹھنے پر معصوم بچے والد کی نعش سے لپٹ گئے بچوں کی آہوبکا سن کر ہر آنکھ اشکبار ہوگئی۔ جناح ہسپتال سے اغواءہونے والی نومولود بچی کا 24گھٹنے گزرجانے کے باوجود سراغ نہ مل سکا ، ماں صدمہ سے نڈھال ہسپتال انتظامیہ بے بس۔ جبکہ باری سوڈیو میں ڈانسر پر آوازیں کسنے پر منع کرنیوالا سکیورٹی گارڈ نامعلوم افراد کے ہاتھوں قتل۔ تفصیل کے مطابق ہنجروال کے علاقہ نیاز بیگ کا رہاشی شراف نامی نوجوان رنگ ساز کاکام کرتاتھا گزشتہ روز گلی سے گزرتے ہوئے محلے دار نے اس کی ہمشیرہ بارے نازیب الفاظ کہے جس سے وہ دلبرداشتہ ہوگیا اور گھر جا کر بیڈ پر سوئی اپنی بہن فرزانہ کے سر میں اینٹ مار کر اسے لہولہان کردیا جسے طبی امداد کیلئے ہسپتال لے جایاگیا جہاں وہ زخموں کی تاب نہ لاتے ہوئے دم توڑ گئی۔ پولیس نے ملزم شراف کو حراست میں لے کر نعش مردہ خانہ جمع کروادی۔ جبکہ باغبانپورہ کے علاقہ محمودبوٹی صلاح الدین روڈ کی رہائشی 4بچوں کی ماں خالدہ بی بی رات گئے اپنی بیٹی مدیحہ کے ہمراہ کمرہ میں سو رہی تھی کہ اچانک چھت زور دار دھماکہ سے گرگئی جس کے نتیجہ میں دونوں ماں بیٹی شدید زخمی ہوگئیں جنہیں فوری طبی امداد کے لیے ہسپتال لے جایاگیا جہاں خالدہ بی بی جانبر نہ ہوسکی ، پولیس نے نعش کو ضروری کارروائی کے بعد ورثاءکے حوالے کردیا۔ علاوہ ازیں گلبرگ کے علاقہ کچی آبادی کا رہائشی 4بچوں کا باپ اشعرقرض لے کر بیرون ملک کام کاج کے لیے گیا تھا ویزہ نہ ہونے پر ملائیشیا سے ڈی پورٹ ہوکر واپس پاکستان آگیا اشعر نے جس شخص سے قرض لیا تھا اس نے واپسی کے لیے دباﺅ بڑھا دیا اور دھمکیاں دیناشروع کردیں کام کاج نہ ہونے اور قرض خواہوں کے دباﺅ سے دلبرادشت ہوکر اس نے گزشتہ روز گلے میں پھندہ ڈال کر زندگی کا خاتمہ کرلیا متوفی کا جنازہ اٹھنے پر علاقے میں کہرام برپا ہوگیا معصوم بچے باپ کی نعش سے لپٹ لپٹ کر روتے رہے اس موقع پر موجود ہر آنکھ اشکبار ہوگئی۔جناح ہسپتال آﺅٹ ڈور سے اوکاڑہ کے رہائشی اللہ دتہ کی نومولود بچی کے اغواءکاروں کا تاحال ہسپتال انتظامیہ سراغ نہ لگاسکی۔ جگہ جگہ سی سی ٹی وی کیمرنے نصب ہونے کے باوجود پولیس ملزمان تک پہنچنے میں ناکام۔ بچی کی جدائی میں ماں صدمہ سے نڈھال۔ باری اسٹوڈیو میں سٹیج ڈرامے کے دوران ڈانسر پر آوازیں کسنے سے منع کرنا پر نامعلوم افراد نے سکیورٹی گارڈ کو گولی مار دی جسے طبی امداد کے لیے پہنچادیاگیا۔ بتایاگیا ہے کہ اقبال ٹاﺅن کے علاقہ باری سٹوڈیو میں واقع ہال میں سٹیج ڈرامہ جاری تھا جونہی پرفارم کرنے کے لیے ڈانسر سٹیج پر آئی تو ہال میں بیٹھے منچلے نوجوانوں نے فقرے کسنے شروع کردئیے جنہیں ڈیوٹی پر موجود شرافت نامی گارڈ نے منع کیا تو تلخ کلامی ہوگئی بعدازاں ہال میں موجود بیٹھے نوجوان اٹھ کر باہر چلے گئے جنہوں نے گھر واپس جاتے ہوئے سکیورٹی گارڈ شرافت پر سکیم موڑ کے قریب فائرنگ کردی جس کے نتیجہ میں وہ شدید زخمی ہوگیا پولیس کے مطابق درخواست موصول ہونے کے بعد کارروائی میں لائی جائیگی۔

لاہور (اپنے سٹاف رپورٹر سے) وزیراعلیٰ پنجاب محمد شہباز شریف نے کہا ہے کہ پاکستان مسلم لےگ(ن) کی حکومت متوازن ترقی کی پالےسی پر عمل پےرا ہے اور شہروں کے ساتھ دےہی علاقوں کی ترقی پر بھی خصوصی توجہ مرکوز کی گئی ہے اوراسی مقصد کے پےش نظر جنوبی پنجاب مےں اربوں روپے کے ترقےاتی منصوبے مکمل کےے گئے ہےں اورنئے مالی سال کے بجٹ مےں بھی جنوبی پنجاب کی ترقی کےلئے خطےر وسائل مختص کےے گئے ہےں،جنوبی پنجاب کے عوام کی ترقی اوران کے معےارزندگی مےں بہتری لانا مےرا مشن ہے اورپنجاب حکومت نے گزشتہ برسوں کی طرح رواں برس بھی جنوبی پنجاب کی آبادی کے تناسب سے زےادہ ترقےاتی فنڈز رکھے ہےں۔پنجاب حکومت پےنے کے صاف پانی کے پروگرام کا آغازبھی جنوبی پنجاب سے کررہی ہے اورمفاد عامہ کے اس اہم ترےن پروگرام کو جنوبی پنجاب کی 37تحصےلوں سے شروع کےا جائے گااور2018ءکے اوائل مےں ےہ پروگرام جنوبی پنجاب مےں مکمل ہوگاجبکہ جنوبی پنجاب مےں عوام کو ان کی دہلےز پر معےاری طبی سہولتوں کی فراہمی کےلئے 15مزےد موبائل ہےلتھ ےونٹس منگوائے جارہے ہیں،اسی طرح دانش سکولوں کا نےٹ ورک بھی جنوبی پنجاب مےں پھےلا ےاگےا ہے۔وزیر اعلیٰ شہباز شریف نے ان خیالات کا اظہار راجن پور سے تعلق رکھنے والے رکن قومی اسمبلی سردار محمدجعفرخان لغاری سے گفتگوکرتے ہوئے کیا جنہوںنے وزےراعلیٰ سے ملاقات کی۔ وزیراعلیٰ نے کہا کہ میرا دل جنوبی پنجاب کے عوام کے ساتھ دھڑکتا ہے،جنوبی پنجاب میں میگا پراجیکٹس کی تکمیل سے عوام کو ثمرات مل رہے ہیں جبکہ اربوں روپے کے نئے منصوبوں پر بھی تیزرفتاری سے کام جاری ہے۔ ملتان اور بہاولپور میں سیف سٹی پراجیکٹ بھی شروع کیا جا رہا ہے جبکہ جنوبی پنجاب کی ترقی کیلئے انفراسٹرکچر اور دیگر شعبوں میں بھی کئی اہم منصوبوں پر دن رات کام جاری ہے۔ مسلم لیگ (ن) کی حکومت جنوبی پنجاب کے عوام کو مزید خوشیاں دے گی ۔وزےراعلیٰ نے کہا کہ جنوبی پنجاب کی ترقی اور وہاں کے عوام کی خوشحالی دل و جان سے عزےزہے اور میں جنوبی پنجاب میں جاری فلاح عامہ کے منصوبوں پر پیش رفت کا خودجائزہ لےتا ہوں۔ مفاد عامہ کے منصوبوں کی مخالفت کرنے والے بعض سیاسی عناصر عام آدمی کی ترقی اور خوشحالی کی مخالفت کر رہے ہیں اور پاکستان کے باشعورعوام ترقی کے مخالف ایسے عناصر کو پہچان چکے ہےں اور یہ عناصر پہلے بھی ناکام و نامراد رہے اور آئندہ بھی ان کی منفی سیاست کامیاب نہیں ہوگی۔ فلاح عامہ کے منصوبوں کی مخالفت کرنے والے مٹھی بھر سےاسی عناصر عوام کی ترقی اور خوشحالی کے دشمن ہےں اور پاکستان کے باشعورعوام اےسے سےاسی عناصرکی منفی سےاست کوہر موقع پر مسترد کرچکے ہےںاور پاکستان مسلم لےگ(ن) کی حکومت نے ملک کی ترقی اورعوام کی خوشحالی کے پروگرام کو رکاوٹوں کے باوجود آگے بڑھاےا ہے کےونکہ عوام کی خدمت ہی پاکستان مسلم لےگ(ن) کی حکومت کا شعارہے اور وزےراعظم محمد نوازشرےف کی قےادت مےں ترقی کا سفر پہلے سے بڑھ کرجاری و ساری رہے گا۔ اس موقع پر گفتگو کرتے ہوئے سردار جعفر خان لغاری نے کہا کہ وزیراعلیٰ شہبازشریف نے جنوبی پنجاب کے عوام کی ترقی اور خوشحالی کیلئے بے مثال اقدامات کئے ہیںاور جنوبی پنجاب کے عوام کیلئے اربوں روپے کے ترقیاتی منصوبے وزیراعلیٰ شہبازشریف کی یہاں کے عوام سے محبت کا منہ بولتا ثبوت ہے۔ دریں اثناءوفد سے گفتگو کرتے ہوئے وزےراعلیٰ پنجاب محمد شہبازشرےف نے کہا ہے کہ ” خادم پنجاب دیہی روڈز پروگرام“ کے تحت دیہی علاقوں میں ہزاروں کلومیٹر کارپٹڈ سڑکیں بنائی گئی ہیںاوردیہی معیشت کے فروغ کیلئے یہ منصوبہ ایک گیم چینجر ثابت ہوا ہے۔ پاکستان کی تاریخ میں دیہی سڑکوں کی تعمیر و بحالی کا یہ سب سے بڑا منصوبہ ہے اور کارپٹڈ دیہی سڑکیں بننے سے دیہی آبادی کو آمد و رفت کی بہتر سہولتیں میسر آئی ہیںاور زرعی معیشت پرمثبت اثرات مرتب ہو رہے ہیںاور کاشتکاروں کو اپنی اجناس منڈیوں تک لے جانے میں سہولت ملی ہے۔ انقلاب آفرین اس پروگرام سے دیہی آبادی کا بہت بڑا حصہ مستفید ہو رہا ہے۔ انہوں نے کہا کہ شاندار سڑکوں کی تعمےر سے کسانوں اور دیہات میں بسنے والے افراد کوبے پناہ فائدہ ہو ا ہے- انہوںنے کہا کہ اس پروگرام پر اب تک 67 ارب روپے سے زائد خرچ کےے جاچکے ہیں۔ تقرےباً7ہزار کلومیٹر طویل کارپٹڈ دیہی سڑکےںبن چکی ہےں۔ نئے مالی سال مےں دیہی سڑکوں کی تعمیر پر 17 ارب روپے خرچ کئے جائیں گے۔ انہوںنے کہا کہ ترقیاتی منصوبوں کی برق رفتار،معیار اور شفافیت کےساتھ تکمیل پنجاب حکومت کی پالیسی ہے۔ اسی پالیسی کے تحت دیہی سڑکوں کی تعمیر کے اعلیٰ معیار کو ہر قیمت پر یقینی بنایا گیا ہے- دیہی روڈزپروگرام “ کا میگا پراجیکٹ انتہائی اہمیت کا حامل ہے۔