تازہ تر ین
hajj

حج کے مقدس مقامات کو بین االاقوامی بنانے کا مطالبہ،دنیا حیران

سعودی عرب نے قطر کی جانب سے حج کے مقدس مقامات کو بین االاقوامی بنانے کے مطالبے کو جارحانہ فعل قرار دیا ہے۔عرب نیوز چینل کو دیئے گئے انٹرویو میں سعودی وزیر خارجہ عادل الجبیر نے کہا کہ ہم ایسے کسی بھی فریق کو جواب دینے کا حق محفوظ رکھتے ہیں جو مقدس مقامات کو بین الاقوامی قرار دینے کے لیے کام کررہا ہے۔عادل الجبیر نے قطر کی جانب سے حج کے معاملات کو سیاسی بنانے کی کوششوں کی مذمت کی۔انہوں نے کہا کہ سعودی عرب قطر کی جانب سے اپنے عازمین حج کی مملکت میں آمد کو روکنے کے لیے اور حج امور کو سیاسی بنانے کی کوششوں کو مسترد کرتا ہے۔ ان کا کہنا تھا کہ ” مملکت کی عازمین حج کے خیر مقدم اور انہیں سہولتیں مہیا کرنے کی تاریخ بڑی واضح ہے اور انہیں ہر طرح سے سہولتیں مہیا کرنے کے لیے بھرپور کوششیں جاری رکھی جائیں گی۔دوسری جانب قطر کے وزیر خارجہ شیخ محمد بن الرحمان الثانی نے الجزیرہ ٹی وی کو انٹرویو میں کہا کہ قطر نے اس قسم کا کوئی مطالبہ نہیں کیا ہے، یہ جھوٹی خبریں اور ہمارے خلاف بے بنیاد پروپیگنڈا ہے۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv