تازہ تر ین

مسلمان لڑکیاں داعش کی غلامی پر مجبور ، سنسنی خیز انکشافات

لندن (خصوصی رپورٹ)مراکش نژاد فزکس کی 23سالہ برطانوی طالبہ نے داعش کی غلامی میں زندگی گزارنے والی لڑکیوں کے بارے میں رقہ کے ایک خفیہ مقام سے اہم انکشافات کئے ہیں۔ تفصیلات کے مطابق اسلام متیت نامی لڑکی نے انکشاف کیا کہ ترکی کے ملازمت پیشہ شخص احمد سے نیٹ پر ملاقات ہوئی جس سے شادی بھی کی۔ اسلام متیت کا کہنا ہے کہ احمد نے داعش کی سرگرمیوں میں حصہ لینا شروع کیا اور اسے شام جانے کیلئے مجبور کیا۔ متیت نے برطانوی اخبار دی سنڈے ٹائمز سے گفتگو کرتے ہوئے کہا کہ شام میں شادی کے تیسرے سال اس کا شوہر ایک حملے میں ماراگیا۔ اس کے بعد اس کی 2بار داعش کے کارندوں سے شادی ہوئی ، متیت کہتی ہے کہ اس کے تین بچے ہیں جو شام میں غیر محفوظ ہیں اور اس کے وہاں سے بھاگنے کی تمام کوششیں ناکام ہوئیں ہیں جبکہ ایک 17سالہ لڑکی خدیجہ فضائی حملے میں ہلاک ہوچکی ہے۔ امتیت نے مزید انکشاف کیا ہے کہ ایک پاکستانی نژاد سکاٹش 17سالہ لڑکی اقصا بھی ایک ملحقہ اپارٹمنٹ میں رہائش پذیر تھی۔ جبکہ مانچسٹر کی زاہرہ اور سلمہ ہیلن بھی اس کے قریب ہی رہائش رکھتی ہیں۔ متیت کے مطابق داعش کے مختلف کیمپوں میں برطانیہ اور یورپ سے تعلق رکھنے والی متعدد لڑکیاں موجود ہیں جبکہ یورپ اور برطانیہ کے کئی نوجوان بھی دہشتگرد تنظیم کا حصہ بن چکے ہیں۔ ان کا کہنا ہے کہ عالمی تنظیموں کو مطلوب ”وائٹ وڈو“ کے نام سے مشہور سیلے جونز کے ساتھ بھی ملاقات ہوئی، جو داعش میں شمولیت سے قبل موسیقار تھی۔ ایک سکول کی تین لڑکیاں خدیجہ سلطانہ، عامرہ بیس اور شمیہ بیگم بھی سیلے جونز کے ہمراہ ان سے ملیں۔



خاص خبریں


metro

سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv