لاہور (شوبز ڈیسک) اسٹیج کی نامور اداکارہ ندا ملک نے پنجاب ہال باغ جنا ح میں اسٹیج ڈرامہ ،،حسینوں کے نخرے ،،میں شاندار ڈانس پرفارمنس دے کرمیدا ن جیت لیا۔ہال میں موجود شائقین نے ندا ملک کو اپنی نشستوں پر کھڑے ہو کر اور تالیاں بجا کر بھر پور داد دی ۔اس ڈرامہ کے دیگر فنکاروں میں نینا چوہدری ،بلبل،چاہت،فضہ شاہ ،رحمان شوکی عمران بیگ ،دانیال مغل،نزیر جانی ،حمزہ بٹ اور طفیل لہر شامل ہیں ۔ ہمارے نمائندے سے ایک ملاقات میں اداکارہ کا کہنا تھا کہ اج میں جس مقام پر ہوں یہ اللہ پاک کا کرم اور میری محنت کا نتیجہ ہے اس موقعہ پر ندا ملک نے یہ بھی کہا کہ میں 10اگست کو 15روزہ دورے پر لندن جا رہی ہو ں اور واپس آتے ہی اپنی شوبز سرگرمیاں جاری کر دونگی۔
