تازہ تر ین

نئے آئی جی پنجاب کا نیا مطالبہ

لاہور (کرائم رپورٹر) انسپکٹر جنرل پولیس پنجاب کیپٹن (ر) عارف نواز نے محکمہ میں بنیادی تنخواہوں اور الاﺅنسز میں اضافے کا مطالبہ کرتے ہوئے کہا ہے کہ پولیس دہشت گردی و دیگر جرائم کے خلاف لڑ رہی ہے ،تنخواہیں اور الاﺅنسز دیگر محکموں کے برابر کیے جائیں ۔ عہدے کے چارج سنبھالنے کے بعد گفتگو کرتے ہوئے انہوں نے کہا کہ 2008ءکے پے سکیل پر رسک الاﺅنس رواں سال 50فیصد کم ہوا ، فکس ڈیلی الاﺅنس بھی بی پی ایس 2005ءکی سطح پر منجمد کیا گیا ، 14جولائی 2017ءکے نوٹیفکیشن سے اہلکاروں کی تنخواہیں کم ہو گئیں ، کم الاﺅنسز اور تنخواہوں کے باعث اہلکاروں کا مورال متاثر ہو رہا ہے ۔ عارف نواز نے کہا کہ پولیس دہشت گردی و دیگر جرائم کے خلاف لڑ رہی ہے ، محکمہ پولیس کی تنخواہیں اور الاﺅنسز دیگر محکموں کے برابر کیے جائیں ۔ یاد رہے کہ عارف نواز اس سے پہلے ایڈیشنل آئی جی آپریشنز پنجاب کے عہدے پر فائز تھے۔ عارف نوازکا تعلق پولیس گروپ کے 14 ویں کامن سے ہے اور ا نہوںنے6دسمبر 1986ءکو بطور اے ایس پی پولیس سروس جوائن کی تھی۔ کیپٹن (ر)عارف نواز خان نے کہا ہے کہ دہشت گردوں کے خلاف جاری آپریشن کو مزید تیز کیا جائے گا تاکہ سماج دشمن عناصر کوجلد از جلد منطقی انجام تک پہنچایا جاسکے،ملک سے دہشت گردوں اور جرائم پیشہ عناصر کا خاتمہ انکی پہلی ترجیح ہے جس کیلئے پنجاب پولیس اپنے تمام تر وسائل بروئے کار لاتے ہوئے پہلے سے بھی زیادہ بہتر طریقے سے وطن دشمن عناصر کے خلاف جاری جنگ لڑے گی۔ میٹنگ میںایڈیشنل آئی جی پی ایچ پی، امجد جاوید سلیمی، ایڈیشنل آئی جی آئی اینڈ وی، اعجاز شاہ، ایڈیشنل آئی جی ویلفیئر اینڈ فنانس، شعیب دستگیر، ایڈیشنل آئی جی سپیشل برانچ پنجاب، فیصل شاہکار، ایڈیشنل آئی جی انوسٹی گیشن پنجاب، اظہر حمید کھوکھر، ایڈیشنل آئی جی آپریشنز پنجاب، محسن حسن بٹ، ڈی آئی جی ہیڈ کوارٹرز پنجاب، بی اے ناصر، ڈی آئی جی آر اینڈ ڈی، احمد اسحاق جہانگیر، ڈی آئی جی ٹریفک، فاروق مظہر، ڈی آئی جی ٹیلی کمیونیکیشن، احسان طفیل، ڈی آئی جی ٹریننگ، سعد اختر بھروانہ، ڈی آئی جی اسٹیبلشمنٹ ٹو، سلمان چوہدری، ڈی آئی جی ایس پی یو، فیصل علی رانا، ڈی آئی جی ویلفیئر، وسیم سیال، ڈی آئی جی ڈویلپمنٹ، کامران خان، ڈی آئی جی آئی ٹی، ہمایوں بشیر تارڑاور ڈی آئی جی اسٹیبلشمنٹ ون، سید خرم علی شاہ کے علاوہ سی پی او کے دیگر سینئر افسران نے شرکت کی۔ میٹنگ میں سینئر افسران کو ہدایت دیتے ہوئے آئی جی پنجاب نے کہا کہ عوام کے جان و مال اور عزت کے تحفظ کو یقینی بنانے کیلئے اپنی ذمہ داریاں بھرپور محنت ، دلجمعی اور فرض شناسی سے ادا کریں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv