اسلام آباد: اوگرا نے پیٹرولیم مصنوعات میں کمی کی سمری وزارت پیٹرولیم کو ارسال کردی جس میں پیٹرول 3 روپے 30 پیسے سستا کرنے کی سفارش کی گئی ہے۔ آئل اینڈ گیس ریگولیٹری اتھارٹی(اوگرا) نے وزرات پیٹرولیم کو پیٹرولیم مصنوعات کی قیمتوں میں ردو بدل کی سمری بھیج دی ہے۔سمری میں پیٹرول 3 روپے 30 پیسے اور ڈیزل 2 روپے 70 پیسے سستا کرنے جب کہ مٹی کا تیل 11 روپے اور لائٹ ڈیزل آئل 7 روپے مہنگا کرنے کی سفارش کی گئی ہے۔قیمتوں میں ردو بدل کا حتمی فیصلہ وزیراعظم کی مشاورت سے کیا جائے گا۔
