کولمبو (اے پی پی) سری لنکا اور زمبابوے کی کرکٹ ٹیموں کے درمیان پانچ ون ڈے میچوں پر مشتمل سیریز کا پہلا میچ (آج) جمعہ کو کھیلا جائے گا۔ تفصیلات کے مطابق زمبابوین ٹیم ان دنوں دورہ سری لنکا پر ہے جہاں وہ پانچ ون ڈے اور ایک ٹیسٹ میچ کھیلے گی۔ دونوں ٹیموں کے مابین ون ڈے سیریز کا پہلا میچ (آج) جمعہ کو گال انٹرنیشنل سٹیڈیم میں کھیلا جائے گا۔ دوسرا ون ڈے 2 جولائی، تیسرا میچ 6 جولائی، چوتھا میچ 8 جولائی جبکہ پانچواں اور آخری میچ 10 جولائی کو کھیلا جائے گا، اس کے بعد سری لنکا اور زمبابوے کے درمیان واحد ٹیسٹ 14 سے 18 جولائی تک کولمبو میں کھیلا جائے گا۔
