تازہ تر ین

سپریم کورٹ کے جج نے بالکل ٹھیک کہا کہ مسلم لیگ (ن) مافیا ہے۔

لاہور(ویب ڈیسک ) پاکستان تحریک ا نصاف کے چیرمین عمران خان کا کہنا ہے کہ دھمکیاں دینا جمہوریت نہیں مافیا کا کام ہے اور سپریم کورٹ کے جج نے بالکل ٹھیک کہا کہ مسلم لیگ (ن) مافیا ہے۔لاہور میں میڈیا سے بات کرتے ہوئے عمران خان کا کہنا تھا کہ پوری قوم پاناما کی جے آئی ٹی کا انتظار کر رہی ہے، تاثر دیا جا رہا ہے کہ شریف خاندان کا بار بار احتساب کیا جا رہا ہے اور احتساب روکنے کے لئے ہر حربہ استعمال کیا جا رہا ہے۔ ان کا کہنا تھا کہ دھمکیاں دینا جمہوریت کا نہیں مافیا کا کام ہے اور سپریم کورٹ کے جج نے بالکل ٹھیک کہا کہ مسلم لیگ (ن) مافیا ہے۔
عمران خان نے کہا کہ یہ 1997 نہیں کہ آپ حملہ کر دیں گے، اب دور بہت بدل چکا لوگ اب باشعور ہو چکے ہیں۔ انہوں نے کہا کہ اگر شریف فیملی نے کچھ غلط نہیں کیا تو جھوٹ پر جھوٹ کیوں بولا جا رہا ہے، ایک بیٹا کچھ، دوسرا کچھ اور بیٹی کچھ کہہ رہی ہے، کلثوم نواز نے اعتراف کیا کہ لندن فلیٹس شریف خاندان کی ملکیت ہیں اور نواز شریف نے بھی ایک بار سچ بولا کہ جو لوگ غلط کام کرتے ہیں وہ اپنے نام پر جائیدادیں نہیں بناتے۔ منی لانڈرنگ کے ذریعے ہر سال 10 ارب ڈالر باہر جاتا ہے جب کہ میں نے بینکنگ سسٹم کے ذریعے ساری رقم پاکستان منتقل کیں۔



خاص خبریں


US-dollar-rises

سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv