لاہور(کلچرل رپورٹر)اداکارہ نمرہ خان کو شادی کی بے بنیادخبر سے پریشانی کا سامنا کرنا پڑا۔ نمرہ خان کی شادی بارے ایک چینل نے گزشتہ روزیہ خبر نشرکی تھی کہ انہوں نے خاموشی سے شادی کرلی ہے جس پر بہت سے لوگوں نے انہیں فون کرکے مبارکباد دی جبکہ حقیقت یہ تھی کہ نمرہ خان نے ایک برائیڈل شوٹ کی تصویرسوشل میڈیا پر جاری کی جس پر بہت سے لوگوں نے تصیدیق کئے بغیر یہ مشہورکردیا کہ انہوں نے شادی کرلی ہے ۔اس بارے میں نمرہ خان کا کہنا ہے کہ اس خبر سے مجھے اور میری فیملی کو بہت پریشانی کا سامنا کرنا پڑا ،میری گزارش ہے کہ کسی تصدیق کے بغیر اسی طرح کی افواہیں اور خبریں نہ پھیلائی جائیں۔ جب بھی میری شادی ہوگی اسے بالکل بھی نہیں چھپاﺅں گی۔
