نیویارک(شوبزڈیسک ) اسپائیڈر مین فینز کیلئے خوشخبری، فلم کا نیا ٹریلر جاری ہوگیا۔ہالی وڈ کا اسپائیڈر مین ایک بار پھر باکس آفس پر تہلکہ مچانے کو تیار ہے۔ مارول کامکس کی سپر ہیرو ایکشن ایڈونچر فلم اسپائیڈر مین ہوم کمنگ کا نیا ٹریلر جاری کردیا گیا ہے۔ جان واٹس کی ہدایتکاری میں بننے والی اس فلم میں اداکار ٹام ہالینڈ بحیثیت پیٹر پارکر/ اسپائیڈرمین کے مرکزی کردار میں جلوہ گر ہونگے ۔ان کے علاوہ فلم کی دیگر کاسٹ میںآئرن مین کے کردار میں رابرٹ ڈاونی جونیئر اپنی اداکاری کے جوہر دکھائیں گے، جبکہ مائیکل کیٹن، میریسا ٹومی، ڈونلڈ گروور، مارٹن اسٹار، زینڈایا اور ٹونی ریولوری فلم کی دیگر کاسٹ میں نمایاں ہیں۔کیون فیج اور ایمی پاسکل کی مشترکہ پروڈیوس کردہ اس فلم کی کہانی پیٹر پارکر نامی ایسے لڑکے گِرد گھوم رہی ہے،جو غیرمعمولی صلاحیتوں کا مالک ہوتا ہے۔
اور مکڑی کی طرح جال کے ذریعے بلند و بالا عمارتوں پر سیکنڈوں میں چڑھ جاتا ہے۔
