باربڈوس(آئی این پی)ویسٹ انڈیزکے خلاف برج ٹاﺅن ٹیسٹ کے دوسرے روز بابراعظم اور یونس خان ”شرمناک ریکارڈ “کے مالک بن گئے۔احمد شہزاد کے آﺅٹ ہونے کے بعد بالترتیب تیسرے اور چوتھے نمبرپربیٹنگ کرتے ہوئے صفرپر آﺅٹ ہوئے جو کیربیئن سرزمین پر کسی بھی ٹیسٹ میں تیسرے اور چوتھے نمبرپر بیٹنگ کرنےوالے دونوں بیٹسمینوں کا ایک ساتھ صفرپرآﺅٹ ہونے کا پہلا اورمجموعی طورپر محض دوسرا واقعہ تھا۔ جب تیسرے اور چوتھے نمبربیٹنگ کرنے والے دوپاکستانی بلے باز ویسٹ انڈیزکےخلاف صفرپرآﺅٹ ہوئے۔اس سے قبل گزشتہ سال یواے ای میں کھیلی گئی پاک ویسٹ انڈیز ٹیسٹ سیریز کے تیسرے ٹیسٹ میں پاکستان کی دوسری اننگز کے دوران اسدشفیق اور یونس خان کوئی رن بنائے بغیر جیسن ہولڈر کے ہاتھوں میدان بدر ہوئے تھے۔ملکی ٹیسٹ کرکٹ کی تاریخ میں کسی بھی ٹیم کےخلاف نمبر3اور4بیٹسمینوں کا ایک ہی اننگزکے دوران صفرپرآﺅٹ ہونے کا یہ8واں واقعہ تھا۔
