تازہ تر ین

پاک ویسٹ دوسرے ٹیسٹ کا پہلا روز ۔۔۔ کالی آندھی شاہینوں کا کچھ نہ بگاڑ سکی

بارباڈوس(ویب ڈیسک ) ویسٹ انڈیز نے دوسرے ٹیسٹ کے پہلے روز کے اختتام پر پاکستان کے خلاف 6 وکٹوں کے نقصان پر 286 رنز بنالئے۔بارباڈوس میں کھیلے جارہے 3 ٹیسٹ میچوں کی سیریز کے دوسرے میچ کے پہلے روز کے اختتام پرمیزبان ٹیم نے روسٹن چیز کی سنچری کی بدولت 6 وکٹوں کے نقصان پر 286 رنز بنالئے۔ ویسٹ انڈین کپتان جیسن ہولڈر نے ٹاس جیت کر پہلے بیٹنگ کا فیصلہ کیا تو کریگ بریتھ ویٹ اور کیرن پاویل نے اننگز کا آغاز کیا لیکن بریتھ ویٹ 12 کے مجموعی اسکور پر 9 رنز بنا کر پویلین لوٹ گئے جس کے بعد نئے آنے والے بلے باز شمرون ہیٹمیر بھی ایک رنز بنا کر محمد عباس کا شکار بن گئے۔ کیرن پاویل اور شائی ہوپ نے تیسری وکٹ پر 24 رنز کی شراکت قائم کی اور ٹیم کا مجموعی اسکور 37 تک پہنچا تو ہوپ بھی 5 رنز بنا کر پویلین لوٹ گئے۔چوتھی وکٹ پر شاندار کھیل پیش کرتے ہوئے پاویل اور روسٹن جیز نے 65 رنز کی شراکت قائم کی اور ٹیم کا مجموعی اسکور 102 تک پہنچا تو پاویل 38 رنز بنا کر آؤٹ ہوگئے جب کہ وشال سنگھ 3 اور شین ڈورچ 29 رنز کے مہمان بنے۔ ساتویں وکٹ پر روسٹن چیز اور کپتان جیسن ہولڈر نے محتاط انداز میں بیٹنگ کا مظاہرہ کرتے ہوئے 132 رنز کی شراکت قائم کی۔ چیز 131 اور ہولڈر 58 رنز کے ساتھ کریز پر موجود ہیں۔ پاکستان کی جانب سے محمد عامر اور محمد عباس نے 2،2 جب کہ یاسر شاہ اور شاداب خان نے ایک ایک وکٹ حاصل کی۔پہلے ٹیسٹ میچ میں فتح کے ساتھ پاکستان کو سیریز میں 0-1 سے برتری حاصل ہے، پاکستان نے اب تک 8 بار کوششوں کے باوجود ایک بار بھی ویسٹ انڈیز میں ٹیسٹ سیریز میں کامیابی حاصل نہیں کی۔ کیریئر کے آخری ٹیسٹ میچز کھیلنے والے کپتان مصباح الحق اور یونس خان کے پاس سنہری موقع ہے کہ وہ کھیل کو ہمیشہ کیلیے الوداع کہنے سے قبل کیریبیئن جزائر پر ٹیم کو سیریز میں کامیابی سے ہمکنار کروائیں۔



خاص خبریں


Pemra.jpg

سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv