نئی دہلی(نیوزایجنسیاں)آئی پی ایل میں یوسف پٹھان اور منیش پانڈے کی ذمے دارانہ بیٹنگ کی بدولت کولکتہ نائٹ رائیڈرز نے سنسنی خیز مقابلے کے بعد دہلی ڈیئر ڈیولز کو چار وکٹ سے شکست دے دی۔دہلی کی ٹیم نے ٹاس جیت کر پہلے بیٹنگ کا فیصلہ کیا لیکن ٹاپ آرڈر کے تمام بلے باز اچھے آغاز کے باوجود بڑی اننگز کھیلنے میں ناکام رہے البتہ اختتامی اوورز میں رشابھ پانٹ کی دھواں دار بیٹنگ کی بدولت دہلی نے سات وکٹ کے نقصان پر 168 رنز بنائے۔سنجو سیمسن نے 39 رنز بنائے ۔ جواب میں کولکتہ کی ٹیم صرف 21 رنز پر کولن ڈی گرینڈ ہوم، روبن اتھاپا اور گوتم گمبھیر کی شکل میں ابتدائی تین بلے بازوں سے محروم ہو کر مشکلات سے دوچار ہو گئی۔اس موقع پر یوسف پٹھان اور یش پانڈے وکٹ پر اکٹھا ہوئے اور 110 رنز کی ساجھے داری قائم کر کے اپنی ٹیم کو میچ میں واپس لے آئے۔، یوسف 59 رنز بنانے کے بعد پویلین لوٹے۔اس موقع پر کولکتہ کی میچ میں فتح صاف نظر آ رہی تھی لیکن اختتامی اوورز میں دہلی کے باو¿لرز کی نپی تلی باو¿لنگ کے سبب میچ سنسنی خیز مرحلے میں داخل ہو گیا۔میچ کے آخری اوور میں کولکتہ کو جیت کیلئے نو رنز درکار تھے اور امیت مشرا نے دوسری ہی گیند پر کرس ووکس کو ا?و¿ٹ دہلی کی جیت کے امکانات روشن کر دیے۔ابتدائی تین گیندوں پر صرف ایک رن بننے کے بعد دہلی کی پوزیشن مضبوط نظر آتی تھی لیکن منیش پانڈے نے اگلی گیند پر چھکا اور پھر پانچویں گیند دو رنز لے کر اپنی ٹیم کو سنسنی خیز مقابلے میں فتح سے ہمکنار کرا دیا۔منیش پانڈے نے 69 رنزکی فتح گر اننگز کھیلی لیکن آسٹریلیا سے آئے ناتھن کاو¿لٹر نائل کو 22 رنز کے عوض تین وکٹیں لینے پر میچ کا بہترین کھلاڑی چنا گیا۔
