سیلفی نہیں بنوائینگی ….ایما واٹسن کا دھماکہ خیز انکشاف

لندن ۔ 02 مارچ (ویب ڈیسک) فلمی سلسلے ہیری پوٹر فیم اداکارہ ایما واٹسن اپنے پرستاروں کے ساتھ سیلفی بنانا پسند نہیں کرتیں،ایما واٹسن نے ایک برطانوی جریدے کو انٹرویو دیتے ہوئے کہا کہ ان کے لئے پبلک اور پرائیویٹ زندگی کے درمیان ایک حد فاصل رکھنا بہت ضروری ہے ان کے پرستار ان سے اس بات سے شاکی رہتے ہیں کہ وہ ان کے ساتھ سیلفی نہیں کینچھواتیں اس کی وجہ یہ ہے کہ وہ اپنے آپ کو ٹریک نہیں کروانا چاہتیں کیونکہ ان کا پرستار ان کے ساتھ سیلفی لینے کے بعد اس کو دو سیکینڈ میں سوشل میڈیا پر پوسٹ کر دیتا ہے اور میں سیلفی لینے کے مقام کے 10 میٹر کے قطر میں بڑی آسانی سے ٹریس کی جا سکتی ہوں جس سے میری ذاتی زندگی متاثر ہوتی ہے،اداکارہ نے کہا کہ ان کی عوامی اور نجی زندگی مے درمیان فرق کی لکیر ہونا ان کے لئے بہت ضروری ہے۔میں اپنے پرستاروں سے بات چیت اور آٹوگراف دینے کے لئے حاضر ہوں لیکن ان کے ساتھ تصویر کے لئے ”سوری “ہے۔ایما واٹسن کی آنے والی فلم” بیوٹی اینڈ دی بیسٹ“جلد ریلیز ہونے والی ہے۔

داعش کیخلاف بننے والی فلم ،اداکارہ کومل رضوی کے انکشافات

لاہور(ویب ڈیسک) گلوکارہ کومل رضوی نے کہا ہے کہ داعش کے خلاف بننے والی فلم مےںمےری اداکاری منفرد ہوگی ‘گلوکاری کے شعبے کے بعد اب اداکاری مےں بھی کامےابےوں کے رےکارڈ بنانے جا ری ہوں ۔ اپنے اےک انٹر وےو مےں گلوکارہ کومل رضوی نے کہا کہ داعش کے خلاف فلم ”آفرےن “ کینیڈا کے پروڈکشن ہاﺅس جانب سے بنائی جا رہی ہے جس مےں مےرا کردار انتہائی منفرد ہوگا اور جس طر ح مےں نے گلوکاری کے مےدان مےں اپنی کامےابےوں کا لوہا منواےا ہے اسی طر ح ےہاں بھی کا مےاب ہوں گی مذکورہ فلم داعش کے خلاف اور مسلمانوں کے حق پر مبنی ہے جس میں کام کرنے پر خوش ہوںاور مجھے اس بات کا بھی ےقےن ہے کہ اسکے بعد مےں مزےد فلموں مےں بھی نظر آﺅں گی ۔

لاہور معرکہ فائنلسٹ …. کون سی ٹیم کوئٹہ سے ٹکرائے گی ، فیصلہ آج

دبئی (نیوزایجنسیاں) پاکستان سپر لیگ (پی ایس ایل )فائنل کیلئے دوسری ٹیم کا فیصلہ (آج)جمعہ کو ہوگا،پی ایس ایل کا تیسرا پلے آف کراچی کنگز اور پشاور زلمی کے مابین (آج)دبئی سپورٹس سٹی میں کھیلا جائیگا،میچ پاکستانی وقت کے مطابق رات 9بجے شروع ہوگا،فاتح ٹیم کا مقابلہ5مارچ کو کوئٹہ گلیڈی ایٹرز سے قذافی سٹیڈیم لاہور میں ہوگا۔تفصیلات کے مطابق پی ایس ایل کا تیسرا پلے آف کراچی کنگز اور پشاور زلمی کے مابین (آج)دبئی سپورٹس سٹی میں کھیلا جائیگا،میچ پاکستانی وقت کے مطابق رات 9بجے شروع ہوگا،فاتح ٹیم کا مقابلہ5مارچ کو کوئٹہ گلیڈی ایٹرز سے قذافی سٹیڈیم لاہور میں ہوگا۔پی ایس ایل پہلے راﺅنڈ میں کراچی کنگز اور پشاور زلمی کا 2بار آمنا سامنا ہو جس میں ایک میچ پشاور زلمی جبکہ ایک میچ کراچی کنگز نے جیتا۔دوسری جانب کوئٹہ گلیڈی ایٹر کی ٹیم فائنل کھیلنے کیلئے لاہور پہنچ گئی ہے جبکہ کو ئٹہ کی ٹیم (آج)جمعہ کو قذافی سٹیڈیم میں پریکٹس کریگی۔ محکمہ موسمیات نے پی ایس ایل فائنل کے دن موسم خوشگوار رہنے کی پیشگوئی کی ہے۔5 مارچ کو دوپہرسے لے کررات گئے تک موسم خشک اور خوشگوار رہے گا، دن ایک بجے سے شام 6 بجے تک درجہ حرارت 26 سے 28 سینٹی گریڈ جبکہ شام 6 بجے سے رات 12 بجے تک درجہ حرارت 17 سے 22 سینٹی گریڈ رہنے کا امکان ہے جبکہ اس دوران شمال مغرب سے چلنے والی ٹھنڈی ہوائیں چلنے سے موسم خوشگوار رہے گا۔واضح رہے کہ پاکستان سپر لیگ کا فائنل 5 مارچ کو لاہور کے قذافی اسٹیڈیم میں ہوگا جس کی ٹکٹیں ہاتھوں ہاتھ بک رہی ہیں جب کہ فائنل میچ کی سیکیورٹی کے لیے بھی انتہائی سخت انتظامات کیے جارہے ہیں۔

مجھے صبح کی نماز کیلئے الارم نہیں عشق اٹھاتا ہے

شارجہ(آئی این پی) پشاور زلمی کے کھلاڑی حسن علی نے کہاہے کہ ”مجھے صبح کی نماز کے لیے الارم نہیں عشق اٹھاتا ہے ۔صبح سویرے سوشل میڈ یا ویب سائٹ ٹوئٹر پر اپنے پیغام میں حسن علی نے کہا کہ دن کے آغاز میں شیطان کے خلاف فجر کی نماز سب سے پہلی جیت ہوتی ہے۔انہوں نے مزید کہا کہ مجھے فجر کی نماز کے لیے الارم نہیں بلکہ عشق اٹھا تا ہے۔واضح رہے کہ پی ایس ایل سیکنڈ ایڈیشن میں حسن علی بہت اچھی پرفارمنس کا مظاہر ہ کر رہے ہیں۔انہوں نے ابھی تک اپنے کیر یئر میں ٹوٹل 17ٹی ٹوئنٹی میچز کھیلے ہیں جس میں 7.3کے اکانومی ریٹ پر 23وکٹیں حاصل کی ۔

کرکٹ بائے بائے …. کلارک رکشہ ڈرائیور بن گئے

بنگلورو(نیوزایجنسیاں) سابق آسٹریلوی کپتان مائیکل کلارک نے بنگلور میں رکشہ چلانے کا لطف اٹھایا۔مائیکل کلارک نے اپنے تجربے کی وڈیو سوشل میڈیا پر شیئر کی جس میں وہ ایک رکشہ چلاتے ہوئے نظر آ رہے ہیں، انہوں نے کیپشن تحریر کیا کہ ”ٹ±ک ٹ±ک“ چلانا سیکھ رہا ہوں۔، بنگلور میں ایک بار پھر آ کر خوشی ہو رہی ہے کیونکہ یہ سب یہیں سے شروع ہوا۔

چینی جنگی جہازوں، ہیلی کاپٹروں سمیت ہزاروں فوجی جوانوں کی پاکستانی سرحد کے قریب آمد اندرونی کہانی سامنے آگئی

بیجنگ (آئی این پی) چین کی مسلح افواج نے چین کے جنوب مشرقی خود مختار علاقے سنکیانگ یغور میں تیان شان کے پہاڑوں پر دہشتگردی کیخلاف مشترکہ مشقیں کی ہیں ، یہ علاقہ پاکستانی سرحدی علاقے کے قریب ہے، ان مشقوں میں سنکیانگ آرمڈ پولیس اور ایک نامعلوم فوجی یونٹ نے شرکت کی ، مشقوں میں 8ہیلی کاپٹروں اور 10غیرفوجی جہازوں میں چار گروپوں کی صورت میں ہزاروں مسلح دستے بڑی تیزی سے اس علاقے میں پہنچائے ، مسلح گروپوںنے علاقے میں گشت کیا جس میں کاشغر ، ہوتان اور آکسو بھی شامل ہے ، تینوں علاقے جنوبی سنکیانگ میں واقع ہیں جس میں یرغوب نسل کے عوام کی اکثریت ہے اور جہاں دہشتگردوں نے آزادی سے حملے کئے ہیں ۔یہ بات عوامی سپاہ آزادی ( پی ایل اے ) کے روزنامہ کی تازہ ترین رپورٹ میں بتائی گئی ہے ۔رپورٹ میں کہا گیا ہے کہ دہشتگردی کیخلاف مشترکہ آپریشن کے ذریعے کسی بھی خود مختار علاقے میں فوجی دستے بڑی تیزی کے ساتھ پہنچانے کی صلاحیت موجود ہے۔ سنکیانگ کی مسلح پولیس کے ایک آفیسر نے اپنی شناخت ظاہر نہ کرتے ہوئے بتایا ہے کہ ہم نے دہشتگردی کیخلاف سنکیانگ میں سرعت کے ساتھ دستے پہنچانے کا مقصد حاصل کر لیا ہے، اس آپریشن کامقصد پہاڑوں، میدانوں اور صحرائی علاقوں میں جنگی تربیت بھی حاصل کرناتھا ، یہ مشترکہ مشقیں مسائل حل کرنے کی غرض سے کی گئیں اور یہ موثر طورپر علاقائی سلامتی اور استحکام کا تحفظ کر سکیں جہاں تک ایئر فورس کا تعلق ہے ،اس میں ہیلی کاپٹر بھی شامل تھے جو اس سے قبل سنکیانگ میں دہشتگردی کیخلاف کی گئی مشقوں میں شامل نہیں تھے، دہشتگردی کیخلاف ایک ماہر لی ووئی نے گلوبل ٹائمز کو بتایا ہے کہ دہشتگردی کے خاتمہ کیلئے ایسی فورس سنکیانگ کے مخصوص علاقوں میں رہنی چاہئے کیونکہ ایسے مشترکہ مشقیں مختلف فورسز کو دہشتگردی کا مقابلہ کرنے میں مسلسل مدد دیتی ہیں، اس سے انہیں اپنی جنگی صلاحیتوں میں پھرتی کا بھی پتہ چلتا ہے اور وہ فیصلہ کرنیوالی قوتوں کو قابل قدر معلومات فراہم کر سکتی ہیں۔

سونے کے شائقین مارکیٹس کا رخ کریں….خوشگوار خبر آگئی

لندن ۔ 02 مارچ (ویب ڈیسک) عالمی مارکیٹ میں سونے کے بھاﺅ گر گئے۔ذرائع کے مطابق مرکزی شرح سود بارے امریکی سنٹرل بینک کے پالیسی بیان کے جاری ہونے کے بعد ڈالر کی قدر کو استحکام آنے سے عالمی منڈی میں سونے کے نرخ نیچے آ گئے۔لندن سپاٹ گولڈ ٹریڈینگ میں فی اونس قیمت میں 0.5 فیصد کمی کے ساتھ سونا 1242.07 ڈالر فی اونس رہا،امریکی سونا فی اونس قیمت میں 0.9 فیصد کمی کے ساتھ سونے کی تجارت 1242.40 ڈالر فی اونس میں ہوئی۔ایشیائی مارکیٹ سنگا پور میں سونے کے نرخ 0.4 فیصد تک گرنے کے بعد 1243.86 ڈالر فی اونس پر بند ہوئے۔ایشیاءمیں یو ایس گولڈ فیچر 1244.30 ڈالر فی اونس رہا۔نیویارک کی منڈی میں چاندی 18.33 ڈالر، پلاٹنیم 1025.80ڈالر اور پلاڈیم 768.97 ڈالر فی اونس رہے۔

جینا تو محال تھا اب مرنا بھی مشکل ،فیسبک کا خود کشی کرنیوالوں کیخلاف محاذ تیار

سان فرانسسکو(ویب ڈیسک)سماجی رابطوں کی ویب سائٹ” فیس بک“ نے اپنے ٹولز کو اپڈیٹ کرتے ہوئے مصنوعی ذہانت کو استعمال کرکے خودکشی کے واقعات کو روکنے کے لیے منصوبہ تیار کرلیا۔غیر ملکی میڈیا کے مطابق دنیا کی سب سے بڑی سماجی ویب سائٹ کے مطابق خودکشی کے اقدامات کو روکنے والے اس ٹول کو فیس بک پوسٹز،لائیواسٹریمنگ فیچرز اورمیسینجر سروسز پر بھی استعمال کیا جا سکے گا۔فیس بک نیوز روم پر جاری کردہ ایک بلاگ پوسٹ میں کمپنی کا کہنا تھا کہ مصنوعی ذہانت کی مدد سے خودکشی کے رجحانات اور خودکشی کی خواہش رکھنے والے صارف کی جگہ کا پتہ لگانے میں مدد مل سکے گی۔فیس بک نے ایلگورتھم (مخصوص کیلکیولیشن پر چلنے والا نظام) تیار کیا ہے، جو فیس بک کے کسی صارف اور ان کے دوستوں کی جانب کیے گئے تبصروں اورتجزیوں کی روشنی میں اس شخص کی نشاندہی کرے گا جس متعلق خدشہ ہو کے وہ ممکنہ طور پر خودکشی کرے گا۔غیر ملکی خبر رساں ادارےرائٹرزنے اپنی رپورٹ میں بتایا کہ فیس بک پہلے ہی اپنی لائیواسٹریمنگ کے دوران جارحانہ مواد کو مانیٹر کرنے کے لیے مصنوعی ذہانت کا استعمال کر رہا ہے۔فیس بک کے مطابق لائیو اسٹریمنگ وڈیو سے متعلق ٹولز کو اپ ڈیٹ کردیا گیا ہے، جسے استعمال کرتے ہوئے وڈیو دیکھنے والا صارف براہ راست وڈیو نشر کرنے والے شخص تک رسائی حاصل کر سکے گا جب کہ وڈیو کی رپورٹ بھی کر پائے گا۔یاد رہے کہ فیس بک پہلے ہی لائیو وڈیو دیکھنے والے صارفین کواپنے دوست تک رسائی سمیت ہیلپ لائن سے رابطہ کرکے وڈیو کی رپورٹ کرنے کی سہولت بھی فراہم کر رہا ہے۔خیال رہے کہ امریکی اخبار نیو یارک ٹائمز نے 2 ماہ قبل خبر دی تھی کہ رواں برس 14 جنوری کو امریکی ریاست فلوریڈا کی 14 سالہ لے پالک بچی نے اپنی خودکشی کی براہ راست وڈیو فیس بک پر نشر کی تھی۔امریکا کی نیشنل سینٹر فار ہیلتھ اسٹیٹکس اسٹڈی کے اعداد و شمار کے مطابق 15 سے 29 سال کی عمر کے افراد کی ہلاکت کا دوسرا بڑا سبب خودکشی ہے، اور 1999 سے 2014 تک امریکا میں خودکشی کے تناسب میں 24 فیصد اضافہ ہوا، جب کہ اس سے قبل اس میں کمی دیکھی جا رہی تھی۔

تمام شراب خانے بند کرنے کا حکم

کراچی(نیوز ڈیسک )سندھ ہائیکورٹ نے شراب خانوں پر پابندی سے متعلق درخواست کی سماعت پر حکم دیا ہے کہ جب تک مکینزم نہ بن جائے تمام شراب خانے بند کردیئے جائیںاور 30 روز میں میکنزم بنا کر رپورٹ عدالت میں پیش کی جائے۔تفصیلات کے مطابق جمعرات کو سندھ میں شراب خانوں پر پابندی سے متعلق کیس کی سماعت ہوئی جس میں چیف جسٹس سندھ ہائی کورٹ نے اپنے ریمارکس میںکہا کہ اقلیتی شہری کیلئے شراب کی پانچ بوتلیں مختص ہیں، حکومت نے شراب سب کو دے کر لوٹ مچا رکھی ہے۔انہوں نے کہا کہ جہاں زیادہ پیسہ ہے وہاں شراب زیادہ بکتی ہے،سات سات ہزارکریٹ صرف ڈسٹرکٹ جنوبی میں فروخت ہوئے،تھرکے غریب ہندوکو پانی نہیں ملتا،شراب کہاں سے خریدےگا۔چیف جسٹس نے حکومت سندھ کو 30 روزمیں مکینزم بناکر رپورٹ پیش کرنے کا حکم دے دیا۔

وزیراعظم کا زرداری سے رابطہ, اندرونی کہانی منظر عام پر آگئی

اسلام آباد (آن لائن) حکومت اور اپوزیشن جماعتوں میں اتفاق رائے کے بعد فوجی عدالتوں میں توسیع سے متعلق ترمیمی بل کو 6 مارچ کو قومی اسمبلی سے منظور کرایا جائے گا۔ حکمران جماعت بل کو اتفاق رائے سے پارلیمنٹ سے منظور کرانے کے لئے سابق صدر آصف علی زرداری اور بلاول بھٹو سے رابطہ کر رہے ہیں ۔ وزیر اعظم نواز شریف اور زرداری میں ٹیلی فونک رابطہ متوقع ہے ۔ ذرائع کے مطابق حکمران جماعت مسلم (ن) کی جانب سے فوجی عدالتوں میں توسیع سے متعلق ترمیمی بل کو قومی اسمبلی سے 6 مارچ کو اتفاق رائے سے منظور کرایا جائے گا ۔ پارلیمنٹ کی 17 سیاسی جماعتوں اور 9 آزاد ممبران اسمبلی نے اس ترمیمی بل کی منظوری پر اتفاق کیاہے جبکہ پیپلزپارٹی نے اس کی پارلیمانی جماعتوں کے سربراہان اجلاس میں حصہ نہیں لیا اور واک آﺅٹ کیا ۔ پارلیمنٹ میں جن 17 سیاسی جماعتوں نے فوجی عدالتوں میں توسیع کے ترمیمی بل پر اتفاق کیا ہے ۔ پارلیمنٹ میں مجموعی طور پر 442 کا ایوان ہے جس میں حکمران جماعت مسلم لیگ(ن) کو تمام سیاسی جماعتوں پر برتری حاصل ہے ان کے اراکین کی تعداد 189 ، پیپلزپارٹی 47 ، پاکستان تحریک انصاف 33 ،متحدہ قومی موومنٹ 24 ، جمعیت علماءاسلام 13 ، پاکستان مسلم لیگ فنکشنل 5 ، جماعت اسلامی 4 ، پختونخواہ عوامی ملی پارٹی 4 ، نیشنل پیپلزپارٹی 2 ، پاکستان مسلم لیگ2 ، عوامی نیشنل پارٹی 2 ، بلوچستان نیشنل پارٹی ، قومی وطن پارٹی ، پاکستان مسلم لیگ ضیاء، نیشنل عوامی مسلم لیگ ، عوامی حیدری اتحاد پاکستان آل پاکستان مسلم لیگ کی ایک ایک نست ہے ۔ 442 کے ایوان میں 9 آزاد ممبران اسمبلی بھی پارلیمنٹ کا حصہ ہیں ۔ حکومتی سیاسی جماعت کے ساتھ اتحاد میں شامل نہیں ہیں مجموعی طور پر پارلیمنٹ کے 6 مارچ کے اجلاس میں اس ترمیمی بل ( فوجی عدالتوں میں توسیع ) کی منظوری دیں گے ۔ پارلیمنٹ میں 442 کے ایوان میں 441 ایوان میں موجود ہیں ایک نشست پر انتخابات باقی ہیں فوجی عدالتوں میں 2 سال کی توسیع پر پارلیمنٹیرین نے اتفاق کیا ہے فوجی عدالتوں میں توسیع کا اطلاق 7 مارچ 2017 سے ہو گا ۔ 6 مارچ کو قومی اسمبلی سے اسے متفقہ طور پر منظور کرایا جائے گا۔

اسلام آباد یونائیٹڈ کی شکست ،کپتان مصباح الحق نے راز فاش کر دی

شارجہ ۔ 02 مارچ (ویب ڈیسک) پاکستان سپر لیگ کے پہلے ایڈیشن کی چیمپئن اسلام آباد یونائیٹڈ کے قائد مصباح الحق نے کوالیفائنگ فائنل میں شکست پر سخت مایوسی کا اظہار کرتے ہوئے کہا کہ خراب بیٹنگ شکست کی وجہ بنی، اسلام آباد کی ٹیم کراچی کے خلاف 127 رنز کے تعاقب میں 82 رنز پر ڈھیر ہو گئی جس کی وجہ سے اسے ٹورنامنٹ سے باہر ہونا پڑا۔ اپنے ایک بیان میں مصباح الحق نے کہا کہ باﺅلرز نے شاندار کارکردگی کا مظاہرہ کیا جس کی وجہ سے کراچی کی ٹیم بڑا سکور کرنے میں ناکام رہی، اس پچ پر ہدف مشکل نہیں تھا، ہم بآسانی جیت سکتے تھے مگر بلے بازوں نے انتہائی غیرذمہ داری سے بیٹنگ کی اور غیرضروری سٹروک کھیلتے ہوئے وکٹیں گنواتے رہے۔ مصباح الحق نے ابھرتے ہونے نوجوان آل راﺅنڈر شاداب خان کی تعریف کرتے ہوئے کہا کہ وہ باصلاحیت کرکٹر ہیں اور انہوں نے اپنی کارکردگی سے سب کو متاثر کیا۔ ایک سوال کے جواب میں انہوں نے کہا کہ اگرچہ ان کی ٹیم فائنل میں نہیں ہوگی تاہم لاہور میں فائنل کا انعقاد خوش آئند ہے اور شائقین کے لئے ایک بڑا میچ ہوگا۔

چینی صدر کی ”نوازشریف“ کو بڑی آفر, اہم اعلامیہ جاری

اسلام آباد(آئی این پی) وزیراعظم نوازشریف نے کہا ہے کہ وہ چین کے صدر شی چین پھنگ کی دعوت پر امسال مئی میں چین کا دورہ کرینگے، وہ بیلٹ وروڈ فورم برائے بین الاقوامی ترقی جس کی میزبانی چینی حکومت کریگی میں شرکت کرنے جائیں گے، وہ اس موقع پر چین پاکستان اقتصادی راہداری جوکہ بیلٹ وروڈ منصوبے کا پائلٹ اور اہم پراجیکٹ ہے کے تحت دونوں ممالک کے درمیان بڑھتے ہوئے دو طرفہ تعاون کے مختلف پہلوو¿ں کے بارے میں تبادلہ خیال کرینگے، یہ بات انہوں نے گذشتہ روز چین کے ایگزیکٹو نائب وزیر خارجہ یی سوئی جانگ سے بات کرتے ہوئے کہی، یی سوئی جانگ خصوصی دعوت رپ ای سی او این سربراہی اجلاس میں شرکت کرنے آئے ہیں، آئندہ فورم میں علاقائی و عالمی اقتصادی مسائل کے حل، بین المربوط ترقی کیلئے نئی توانائی کے حصول اور اس امر کو یقینی بنانے کہ بیلٹ وروڈ منصوبہ سے متعلقہ ممالک کی عوام کو زیادہ سے زیادہ فوائد پہنچیں طریقے تلاش کئے جائیں گے۔

وزیر اعظم کی زیر صدارت اہم اجلاس ،فاٹا کے متعلق اہم فیصلہ

بارسلونا (خصوصی رپورٹ) نوکیا نے 17 سال بعد ایک مرتبہ پھر چند تبدیلیوں کے ساتھ مقبول زمانہ موبائل فون 3310 کا نیا ورڑن متعارف کرا دیا۔ بارسلونا میں جاری موبائل ورلڈ کانگریس ٹیکنیکل شو کے دوران مشہور زمانہ فون نوکیا 3310 کی نقاب کشائی کردی گئی۔ ماضی کی طرح نوکیا 3310 میں چند تبدیلیوں کے ساتھ وہی خوبیاں رکھی گئی ہیں جو اس موبائل کی پہچان تھیں جیسا کہ موبائل فون مضبوطی کے اعتبار سے دیگر موبائلوں کے مقابلے میں مضبوط ثابت ہوگا جبکہ اس کی بیٹری ٹائمنگ بھی 22 گھنٹے ٹاک ٹائم بتائی جاتی ہے۔ نیا نوکیا 3310 مکمل طور پر فیچر موبائل ہے جس میں ایس 30 آپریٹنگ سسٹم ہے جو اینڈرائڈ یا آئی او ایس آپریٹنگ سسٹم کا تو مقابلہ نہیں کرسکتا تاہم اس میں 2.5 جی انٹرنیٹ استعمال کرسکتے ہیں جبکہ موبائل میں 2 میگا پگسلز کا کیمرا آپشن بھی دیا گیا ہے۔ نوکیا 3310 تین مختلف رنگوں لال، پیلے اور نیلے رنگ میں دستیاب ہوگا جس کی قیمت 49 یورو ہے جو پاکستانی روپوں میں ساڑھے 5 ہزار روپے بنتی ہے۔ عوام کے بھرپور مطالبے پر کمپنی نے نئے نوکیا 3310 میں اسنیک گیم کا نیا ورژن بھی رکھا ہے۔