بارسلونا (خصوصی رپورٹ) نوکیا نے 17 سال بعد ایک مرتبہ پھر چند تبدیلیوں کے ساتھ مقبول زمانہ موبائل فون 3310 کا نیا ورڑن متعارف کرا دیا۔ بارسلونا میں جاری موبائل ورلڈ کانگریس ٹیکنیکل شو کے دوران مشہور زمانہ فون نوکیا 3310 کی نقاب کشائی کردی گئی۔ ماضی کی طرح نوکیا 3310 میں چند تبدیلیوں کے ساتھ وہی خوبیاں رکھی گئی ہیں جو اس موبائل کی پہچان تھیں جیسا کہ موبائل فون مضبوطی کے اعتبار سے دیگر موبائلوں کے مقابلے میں مضبوط ثابت ہوگا جبکہ اس کی بیٹری ٹائمنگ بھی 22 گھنٹے ٹاک ٹائم بتائی جاتی ہے۔ نیا نوکیا 3310 مکمل طور پر فیچر موبائل ہے جس میں ایس 30 آپریٹنگ سسٹم ہے جو اینڈرائڈ یا آئی او ایس آپریٹنگ سسٹم کا تو مقابلہ نہیں کرسکتا تاہم اس میں 2.5 جی انٹرنیٹ استعمال کرسکتے ہیں جبکہ موبائل میں 2 میگا پگسلز کا کیمرا آپشن بھی دیا گیا ہے۔ نوکیا 3310 تین مختلف رنگوں لال، پیلے اور نیلے رنگ میں دستیاب ہوگا جس کی قیمت 49 یورو ہے جو پاکستانی روپوں میں ساڑھے 5 ہزار روپے بنتی ہے۔ عوام کے بھرپور مطالبے پر کمپنی نے نئے نوکیا 3310 میں اسنیک گیم کا نیا ورژن بھی رکھا ہے۔

میری لینڈ(خصوصی رپورٹ) دنیا بھر میں وہیل اور ڈولفن کے حواس کھوکر راستہ بھٹکنے اور ساحلوں پر پھنس کر ہلاکت کے واقعات میں اضافہ ہوتا جارہا ہے لیکن اب تک اس پراسرار واقعات میں سینکڑوں وہیل مرچکی ہیں اور شاید اس کی وجہ سورج پر آنے والے طوفان ہوسکتے ہیں۔ناسا کے مطابق مکمل طور پر صحتمند وہیل اور ڈولفن اپنی سمت کھودیتی ہیں اور دھیرے دھیرے جزیروں اور ساحلوں پر آکر پھنس جاتی ہیں۔ یہ واقعات اکثر پیش آتے ہیں اور ایک واقعہ ہی سینکڑوں اموات کی وجہ بن رہا ہے۔ ناسا کے گوڈارڈ اسپیس فلائٹ سینٹرکے ماہرین نے سورج کو اس کا ذمے دار ٹھہرایا ہے۔

نیویارک((ویب ڈیسک )سماجی رابطے کی ویب سائٹ ٹوئٹر نے اپنے پلیٹ فارم پر نازیبا زبان کے استعمال کو محدود کرنے کے لیے مزید تبدیلیاں کرنے کا اعلان کیا ہے۔یہ اعلان ایک ایسے وقت میں سامنے آیا ہے جب اس سوشل نیٹ ورکنگ پلیٹ فارم کے ذریعے لوگوں کو ہراساں کرنے واقعات پر شدید تنقید کا سامنا ہے۔غیرملکی خبررساں ادارے کے مطابق ٹوئٹر کی جانب سے تین تبدیلیوں کا اعلان کیا گیا ہے جو ‘آئندہ ہفتوں میں کی جائیں گی۔’ ان میں ان لوگوں کی شناخت بھی شامل ہے جن کے اکاو¿نٹس مستقل طور پر معطل کر دیے گئے اور انھیں نئے اکاو¿نٹ بنانے سے روکنا ہے۔ایک بلاگ پوسٹ میں تبدیلیوں کا اعلان کرتے ہوئے ٹوئٹر کے نائب صدر برائے انجینئرنگ ایڈ ہو نے کہا کہ ٹوئٹر کو محفوظ جگہ بنانا ہمارا بنیادی مرکز ہے۔ ہم اظہار رائے کی آزادی اور لوگوں کو کسی بھی موضوع کے دونوں رخ دیکھنے کے حامی ہیں۔ اس کو اس وقت خطرہ ہوتا ہے جب نازیبا زبان اور ہراساں کرنے سے اس کا گلا گھونٹ دیا جاتا ہے اور وہ آواز دبا دی جاتی ہیں۔ ہم یہ برداشت نہیں کریں گے، اور ہم اس کو روکنے کے لیے نئی کوششوں کا آغاز کر رہے ہیں۔گذشتہ ماہ ٹوئٹر کے چیف ایگزیکٹیو جیک ڈوسے نے ایک ٹویٹ میں وعدہ کیا تھا کہ وہ ٹوئٹر پر گالم گلوچ کے حوالے سے ایک بالکل نیا نکتہ نظر پیش کرنے جا رہے ہیں، جس میں کھل کر بات چیت اور مکالمہ ہر قدم پر موجود ہوگا۔دیگر تبدیلیوں میں،سیف سرچ رزلٹس: یعنی ممکنہ طور پر حساس نوعیت کے ٹویٹس اور بلاک یا میوٹ کیے گئے اکاو¿ٹس کے ٹویٹس دکھائی نہ دینا۔ ٹویٹ کے جواب میں ممکنہ گالم گلوچ اور نازیبا زبان پر مشتمل جوابات کو ہٹانا۔ ان نئی تبدیلیوں کا مطلب یہ نہیں کہ وہ ٹویٹس بالکل ہی ہذف کر دیے جائیں گے بلکہ صارفین کے اختیار میں ہوگا کہ آیا وہ یہ مواد دیکھنا چاہتے ہیں یا نہیں۔نومبر میں ٹوئٹر نے تسلیم کیا تھا کہ ایک دوسرے کے ساتھ گالم گلوچ’ کا رجحان بڑھتا جارہا ہے۔اس کے جواب میں ٹوئٹر نے میوٹ کے استعمال کا دائرہ وسیع کیا اور اس میں مخصوص الفاظ، جملے اور یہاں تک کہ وہ تمام گفتگو تو آپ دیکھنا نہیں چاہتے کنٹرول کر سکتے ہیں۔ٹوئٹر کا یہ بھی کہنا تھا کہ وہ نفرت انگیز مواد کو کنٹرول کرنے کے لیے اپنی سپورٹ ٹیم کی دوبارہ تربیت کر رہا ہے اور اس میں بہتری لارہا ہے تاکہ جب کبھی بھی نفرت انگیز مواد کی نشاندہی کی جائے تو اس پر فوری ردعمل ظاہر کیا جاسکے۔