تازہ تر ین
trump-1

سفری پابندیاں ….ٹرمپ کا نیا حکم نامہ بھی ٹھاہ

نیویارک (محسن ظہیر سے) امریکی ریاست ہوائی میں فیڈرل جج نے صدر ڈونلڈ ٹرمپ کے سفری پابندیوں سے متعلق نئے ایگزیکٹو آرڈر پر عملدرآمد بھی روک دیا ہے۔ واضح رہے کہ نئے ایگزیکٹو آرڈر کو تین ریاستوں میری لینڈ، واشنگٹن اور ہوائی میں چیلنج کیا گیا تھا۔ ان میں سے ہوائی کی عدالت کی جانب سے فیصلہ صدر ٹرمپ کے ایگزیکٹو آرڈر پر عملدرآمد شروع ہونے سے چند گھنٹے قبل جاری کر دیا گیا ہے۔ نئے ایگزیکٹو آرڈر میں عراق کا نام نکال کر پہلے آرڈر میں موجود چھ مسلم ممالک کے مسافروں پر پابندی عائد کی گئی تھی۔ امریکہ میں انسانی حقوق کی تنظیموں نے ہوائی سٹیٹ کے آرڈر کو انصاف کی فتح قرار دیا ہے۔ جج نے اپنے آرڈر میں کہا کہ نئے ایگزیکٹو آرڈر میں آئین میں موجود تقاضے پورے نہیں کئے گئے ہیں۔ قانونی و آئینی ماہرین کا کہنا ہے کہ عدالت کی جانب سے دوسرا ایگزیکٹو آرڈر مسترد کیے جانا ٹرمپ انتظامیہ کے لئے کسی سیٹ بیک سے کم نہیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv